Danyeli 6:3 - Luganuzi Luswanu Kuli Wanhu Wose 2002

³ Danyeli yakalajila witumami wuswanu kuciza wawaha wayagwe, hamonga ne walongola. Na vyono yalajila milimo miswanu kuciza wayagwe, ku soko yiyo, mutemi yakawona viswanu yamunoze yawe yo muwaha mu wutemi wakwe wose.

Danyeli 6:3 Referans Kwoze

Danyeli 5:14

Nahulika vyono muhe we milungu yono yelile yili muli'gwe. Na vyono agwe wina wumanye no wizuce ne mahala.

Zimbazi 22:29

Wundajilaje ta, u munhu mono ketumaga milimo viswanu, nane nokulajila munhu mono ketumaga viswanu kuciza. Nayo yena ne lilumbo lyo kusuma kwimana ne watemi.

Danyeli 5:12

Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”

Esita 10:3

Hambi Moledekayi u Muyahudi, nha yo yali we kejete mu wulongola ku wulawilila ko mutemi Ahasuwelo. Nayo Moledekayi yakawa yena lilumbo yiwaha muno, kanyhi yakawa yendezwe mwipuga lyose lye Wayahudi wayagwe. Nayo yakawatendela viswanu muno wanhu wakwe, no kulonga zo mulamu kuli zo lulelo lwawo lwose.

Danyeli 9:23

Wukumbuciye vyono lono wanziza kumulomba Mulungu, nayo yakakupitula. Mwene yakwendile, holeka niza ho nghulonjele lipitulo lyakwe kuli'gwe. Holeka nghukunena wuhulicizaje muno, lono neza kukuloloseza wugubulilwe wuwo.

Zimbazi 17:27

No munhu mono kewonaga yali mu mbeka, si kalonganjikaga nghani nyinji yaye mapango gose. Ne wanhu wono wendile kwikala no mulamu, wena wizuce we mbeka.

Muganuzi 2:13

Baho nghamanya vyono, kumbe kuwa na mahala, kuswanu si nho wulele, nha vyono winha wuzelu wuswanu wucizize citi.

Nehemiya 7:2

Kanyhi nghawawika wanhu wejete wawe walongola mwi'kaya lya Yelusalemi. Ndugu yangu Hanani, na Hananiya u mulongola muwaha we ligomawakali lyose. Hananiya, yali munhu mwihuwilwa na we cogopo hali Mulungu, kanyhi yali cisindo.

Danyeli 5:7

U mutemi Belishaza yakacemeleza kwe yizi yiwaha, waletwe, waganga ne walotezi, na we mahala go wizuce we zinyelezi ne watowa visangu. Nawo wali weza kuwa waletwa, mutemi yakawalonjela yakawatya, “Munhu wo wose, mono kosuma kusoma mandiko aga, no kunonjela nhunizo yayo, yuyo nomuvwika myenda ye citemi-temi, hamonga ne kanzo yo lugandu, no luvumbe lwe zahabu lwe lilumbo mu singo yakwe. Nayo kowa munhu we kadatu wa muli wono wena wulajilize mu wutemi wangu.”

Ezila 4:22

Holeka wuzinozaje zizi mbela mbela ho kulece kwijela wuhodanjice wo wose mu wutemi wangu.”