Danyeli 4:3 - Luganuzi Luswanu Kuli Wanhu Wose 2002

³ Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:3 Referans Kwoze

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Isaya 25:1

Gwe go Muwaha Mulungu, yo gwegwe go Mulungu wangu. Nane nokupela cogopo, no kulikumya litagwa lyako. Hambi nha wetuma metumo go wizine kugafisiliza ko wihuwilwa i mahweso gako gono wagawikaniza ku wulawa katali na katali.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wahebelaniya 1:8

Ninga kuli zo Mwana, u Mulungu yakutya, “U wutemi wako agwe go Mulungu, wikalaga cibitilila ne cibitilila. Nagwe kuwadimaga i wanhu wako kwe ling'ani.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

Wahebelaniya 2:4

Nayo u Mulungu yakonjeleza u wuhomelezi wakwe nhavivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

Zabuli 105:27

Wakanoza vitanjilo vyo Mulungu hali Wamisili, sunga ne mapoto mu yisi yiyo ya Misili.

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Isaya 28:29

Ninga wumanye nha vyono, mahala gaga gose, galawaga kuli Muwaha Mulungu we mihanga. Ne mahweso gakwe go ge cihalahala muno muno, kanyhi nhondo zose gena cambuzi ciwaha.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Zabuli 104:24

Gwe go Muwaha Mulungu, milimo yako, nha minji muno kanyhi yo wizine muno muno! Wavinozeza vinhu vyose mu mahala mawaha! Ne yinze yimemile viwumbwa vyako du!

Zabuli 92:5

Hambi metumo gako nha mawaha muno muno 'gwe go Muwaha Mulungu! Sunga ne mahweso gako, nha ga mahala menji muno muno!

Zabuli 86:10

Hambi nha yo gwegwe mukala wuwaha, mono kunozaga mapoto mawaha, agwe yo gwegwe Mulungu we ciwene.

Zabuli 77:19

Wayiwika nzila yako mucanyha ye lilenga, wukajenda mwi'lenga liwaha, ninga nzayo zako hamba kwijela yaye.

Zabuli 72:18

Yalumbwe Muwaha Mulungu, u Mulungu wa Isilayeli, mono kanozaga mapoto yali wene.

Zabuli 66:7

Kagadimaga cibitilila kwe vilungo vyakwe. Mwene yo kagadimaga makungugo gose. No mubedegazi wo wose yalece kumupinga-pinga ku mwande.

Jobu 25:2

Mulungu yo we vilungo, holeka yinojeye wose wamogope mwene. Yo mulamuzi wa mu wutemi wa ku wulanga.

Wukumbucize wo Wulajilize 4:34

Hamba ho yuli mulungu yunji wo wose, mono yejelela yabite yakawawuse wanhu ku wulawa mwikungugo linji, kanyhi yawanoze wawe wanhu wakwe, nha vyono Muwaha Mulungu, u Mulungu wenyu yamunozezenyi nyenye ku yisi ya Misili? Hambi Muwaha Mulungu nha yazinozeza zose ha meso genyu, yetumamila vilungo vyakwe viwaha hamonga no wusume. Yaleta magazo, no wulugu, yakanoza vitanjilo, ne mezino, yakaleta nghani zo wogofye wuwaha muno muno.

Walumi 11:33

O, lecenyi u wugoli ne mahala no wumanye wo Mulungu, si wakulonga! Ne zining'aniza zakwe si za kulonga! Sunga ne zinzila zakwe si zimanyikaga yaye. Nha vyono gakulonga i Mandiko Gono Gelile.

Danyeli 2:2

Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe,