Danyeli 11:2 - Luganuzi Luswanu Kuli Wanhu Wose 2002

² Holeka aluno zono nokulonjela, zo ze mbeka. Nayo malayika yakatya, “Ho wali watemi wanji kanyhi wadatu, wono wotema mu Pelisiya. No mutemi we kane, mono kowatyatya, yuyo kowa mugoli muno si nhe wanji wose. Nayo kolo yakutuga vilungo so wugoli wakwe, kokwisumaniza no wutemi wo Wugiliki.

Danyeli 11:2 Referans Kwoze

Wugubule 21:5

Ayulya mono yali yekaye mwigoda lyo wutemi, nayo yakatya, “Lanje ta! Ane nghuzinoza zose ziwe 'mhya.” Yakanonjela kanyhi yakutya, “Yandikaje yiyi, hambi i zinghani zizino nha zo huwilwa, kanyhi za mbeka!”

Danyeli 8:26

Nawo wugubulilwe wono wawona we vilavywa vye makumbiko ge cinyamihe, na ge hakali mitondo, azo za mbeka, nazo zolowa nha vyono wali wakondya kulolosezwa. Ninga agwe wuzikamisaje du mu nhumbula yako, hambi nha zosola vilo vinji muno muno sunga ho zize zificilicile.”

Yohana 10:35

Hono Mulungu yawatezaga milungu, wawalya wono wapegwa i nghani yakwe, holeka nase cimanyile vyono, Imandiko Gono Gelile, galongaga imbeka nhondo zose.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Danyeli 11:25

“Nayo kololiwikaniza lipuga yiwaha muno lye wasilikale, akuno yasina woga, yabite yakamuhome u mutemi wa Misili. Nayo mutemi wa Misili, kolokwiwikaniza ne lipuga lyakwe yiwaha lye wasilikale, ho vihome no mutemi wa Siliya. Ninga mutemi wa Misili, si kolomusuma mutemi wa Siliya. Hambi mutemi wa Misili nha kolokongwa-kongwa, ho yalece kuwufisiliza wuhile wakwe.

Danyeli 8:4

Nane nghawa niyilanjiliye nduwilu yiyo, yikucinya ne mahembe gayo ku lubavu lwa kumwezi, na kusumuka, na kutakama. Ninga hamba nhavivyo, hali hasina nimu hamba monga, yono yasuma kuyimila, hamba kwiponya mu vilungo vye nduwilu yiyo. Langa yetuma nha vyono yali yendile yeneco, yikekumya mu nhumbula yayo yeneco.

Danyeli 7:5

Ne lilimu lye kejete, lyali linhe dubu. Nalyo lyali limile kwe migulu yalyo ya ku nyuma. Kanyhi likawa lilumile mafupa madatu ga mbavu mu meno galyo. Hanyuma likaza lizi likalitya, “Winuce wulye nyama nyinji nha vyono wukusuma.”

Zimbazi 22:21

Nazo zokwijiza wuyimanye mbeka vyono yinha. Nagwe kolo weza kuwuzwa, ho wupitule zinghani ze mbeka.

Danyeli 10:1

(Na mu mwaka we kadatu wa Kulo u mutemi wa Pelisiya, Danyeli mono yacemwa Beliteshaza, yagubulilwa nghani. Ne nghani yiyo yali ya mbeka, ninga yali nghani nghamu muno ku wizuce. Ninga yikaloloswa kuli mwene mu nzila yo wugubulilwe.)

Danyeli 8:21

Nayo mvulati yiyo, wo wutemi wo Wugiliki. Nalyo lihembe lyono lili haciligati ye meso, yo mutemi mulongozi.

Ezila 4:7

Kanyhi na lono yali yatemile Alitashasita mutemi wa ku Pelisiya, Bishilamu na Miteledati, na Tabeli, hamonga ne wayawo wose, wakandika baluwa kuli mutemi Alitashasita. Baluwa yiyo, yali nyandice mu nonga ye Cialamu. Na lono yasomwaga hamwande yo mutemi, yamula kupitulwa mu nonga ye yisi yakwe.

Ezila 4:24

Mulimo wo kuyizenga Nyumba yo Mulungu wukema, sunga mu mwaka we kejete wo wutemi wo mutemi Daliyo mutemi wa Pelisiya.

Esita 1:1

Mutemi Ahasuwelo mu madaha lono yali yatemile, yali yatemile yisi yigana limonga na makumi mejete na mupunghati, ku wulawilila Indiya, sunga Kushi.