Danyeli 1:4 - Luganuzi Luswanu Kuli Wanhu Wose 2002

⁴ Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni.

Danyeli 1:4 Referans Kwoze

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Metumo ge Watumwa 7:22

Musa yakafundwa zinghani zose ze mahala ge Wamisili, yakawa yali vilungo mu zinghani na mu milimo yakwe.

Zimbazi 22:29

Wundajilaje ta, u munhu mono ketumaga milimo viswanu, nane nokulajila munhu mono ketumaga viswanu kuciza. Nayo yena ne lilumbo lyo kusuma kwimana ne watemi.

2 Samwili 14:25

Ale mu Isilayeli yose, hali hasina munhu mono yali yena lilumbo yiwaha, kanyhi mono yali yena mumbwa swanu kuciza Abusalomu. Abusalomu yali yena mumbwa swanu muno, ku wulawa ku nzayo ze magulu gakwe, sunga ko ku mutwe, nayo kanyhi yakawa yasina cilema co cose.

Danyeli 2:10

Nawo waganga wakamupitula mutemi wakamutya, “Hasina yunji mu yinze ayi, mono kosuma kukuloloseza Gwe mutemi, muli zizi zono wukusaka kumanya. Hamba hasina mutemi yunji wa muli watemi, hamba muli wono wena lilumbo liwaha, hamba muli wono wena wulajilize wuwaha, mono yawuza nghani yono yinha yiyi, kuli muganga hamba kuli wahawi ne walotezi.

Metumo ge Watumwa 7:20

Na mu mapango gago, ho yalelelwa Musa, nayo yakawa mwana muswanu hali Mulungu, yakadimwa myezi midatu mu nyumba yo sogwe.

Danyeli 5:7

U mutemi Belishaza yakacemeleza kwe yizi yiwaha, waletwe, waganga ne walotezi, na we mahala go wizuce we zinyelezi ne watowa visangu. Nawo wali weza kuwa waletwa, mutemi yakawalonjela yakawatya, “Munhu wo wose, mono kosuma kusoma mandiko aga, no kunonjela nhunizo yayo, yuyo nomuvwika myenda ye citemi-temi, hamonga ne kanzo yo lugandu, no luvumbe lwe zahabu lwe lilumbo mu singo yakwe. Nayo kowa munhu we kadatu wa muli wono wena wulajilize mu wutemi wangu.”

Danyeli 4:7

Ale, i watowa visangu, ne wahawi, na we mahala go wizuce we zinyelezi, wakaletwa hali 'ne. Nane nghawaloloseza ze ndoto yangu, ninga hamba siwasuma kuyilolosa nhunizo yayo yaye.

Muganuzi 7:19

Nago mahala gamupelaga vilungo munhu we mahala, kuciza wanhu yikumi, wono watemile mwi'kaya.

Walamuzi 8:18

Hobaho Gideyoni yakawawuza Zeba na Zalumuna yakawatya, “Alu wanhuci wono mwawawulaga ku Taboli?” Nawo wakamupitula wakamutya, “I wanhu wawo wali wehwanile gwegwe du. Nawo wose wali kotya nha wana wo mutemi.”

Waefeso 5:27

ho yetujile Likanisa lyono lyelile, na lyono yiswanu, Likanisa lyono lisina manamha manamha hamba cilema, hamba ganji go gose gono genha gaga.

Danyeli 3:8

Hobaho wanji wa muli Wababiloni, wakawa kwanza kuwasonjeza Wayahudi.

Danyeli 2:2

Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe,

Isaya 36:11

Eliyakimu na Shebina na Yowa, nawo wakamulonjela yuyo mwitumami wakatya, “Alu, wulongane nase mu nonga ye Cialameya. Hambi nase nha ciyimanyile nonga yiyo. Ninga wulece kulonga mu nonga ye Cihebelaniya, hambi wanhu wose wono wekaye mucanyha ye lijinji, nha wakuyihulika.”

Yelemiya 5:15

Nye nyo wanhu wa Isilayeli, u Muwaha Mulungu koleta likungugo ku wulawa kutali, lize limuhomenyi. Ne likungugo lilyo lyowa lili vilungo muno, kanyhi lya katali. Likungugo lyono ne milonjele yalyo, anye si muyimanyile yaye.

Danyeli 9:1

Na mu mwaka mulongozi wo wutemi wa Daliyo, u mutemi we Wababiloni, wo lulelo lwe Cimedi, u mwana wa Ahasuwelo.

Zakaliya 2:4

Malayika ayulya umulongozi, yakamulonjela muyagwe yakamutya, “Wumanyhe, wukamulonjele u muzelelo ayulya mono yena mulejehe wo kupimila, vyono ku Yelusalemi kolowa ko wali wanhu wenji, hamonga ne mitugo minji. Holeka ne likaya lyowiluka liwe yiwaha sunga lifute no kuwuzenjela majinji.

Mwamulizo 41:46

Yusufu yali yaficila myaka makumi madatu lono yamulila kumwitumamila Falawo, mutemi wa Misili. Nayo yatulucila mwi'kulu lya Falawo, yakawa kubita kuyijendela yisi yose ya Misili.