Danyeli 1:3 - Luganuzi Luswanu Kuli Wanhu Wose 2002

³ Mutemi yakamulonjela Ashipenazi, u muwaha we wapaswe wakwe, yawahagule wanji wa muli wana wa Isilayeli i wahamywa, wa mu lulelo lwe citemi-temi, na wa mu zindelo zinhambule.

Danyeli 1:3 Referans Kwoze

Isaya 39:7

Hamonga na wanji wa muli wanago wako, nawo wolosolwa wategulwe kutali, wakapaswe, wawe wetumami wa mwi'kulu lyo mutemi wa Babiloni.’ ”

2 Watemi 24:15

Nebukadineza, yakamusola Yehoyakimu nha mufungwa, yakamutegula ku Babiloni, hamonga no nyina, ne wagolece zakwe, ne wetumami wakwe, ne walongola wa Yuda.

Yelemiya 41:1

Na mu mwezi wo mupunghati wa mu mwaka wuwo du, Isimayeli u mwana wa Netaniya, kanyhi yo mwizukulu wa Elishama, na wo lulelo lwe citemitemi, kanyhi yo muyagwe ne wetumami wawaha wo mutemi, yakawa kubita ku Mizipa yakamulanje Gedaliya, yena ne wayagwe wanhu yikumi. Nawo lono wali watenga zindigwa, wakulya hamonga na Gedaliya,

Wukumbucize wo Wulajilize 28:41

Nanye motuga wana we cilume na we cicekulu, ninga hamba si mokwikala nawo, langa wosolwa nha wafungwa wo wulugu.

Isaya 39:6

‘Lizuwa lyokuza, lono vinhu vyose vyono vili mwi'kulu, hamonga ne viwutwa vyose vyono walezi wako waviwika, vyose vyolosolwa no kukunyhilwa ku Babiloni. Hasina hamba cinhu cimonga cono cilasigala.