Danyeli 1:2 - Luganuzi Luswanu Kuli Wanhu Wose 2002

² Muwaha Mulungu yakamutajila Yehoyakimu mu miwoko ya Nebukadineza, hamonga ne viya vinji vya mu Nyumba yo Mulungu. U mutemi Nebukadineza yakawasola wafungwa hamonga ne viya yakawa kuvitegula ku Babiloni, yono hanji yacemwaga shinali, yakaviwika mu vinyumba vye viwutwa vya mu nyumba ye milungu yakwe.

Danyeli 1:2 Referans Kwoze

2 Zinghomo 36:7

Nebukadineza, yakasoleleza hamonga ne viya vinji vya mu Nyumba yo Mulungu, yakavitegula ku Babiloni, yakaviwika mu kaya yo wutemi.

Zakaliya 5:11

Nayo yakapitula yakatya, wakuyitegula ku Babiloni wakayizenjela nyumba kuko. Na kolo nyumba yiyo yikukondya, i nhoto yiyo ho yowikwa baho, i hanhu hono wowa kuyihembela.

Walamuzi 4:2

Nayo Muwaha Mulungu, yakawa kuwatajila mu miwoko ya Yabini u mutemi we Wakanani, mono yali yatemile likaya lya Hazoli. Mulongola we wasilikale wakwe yacemwaga Sisela mono yekalaga Halosheti-hagoyimu.

Walamuzi 3:8

Baho kanyhi Muwaha Mulungu yakawakolelwa likuwo Waisilayeli. Yakawatajila mu miwoko yo mutemi Kushani-lishatayimu wa ku Mesopotamiya nayo yakawasuma na kuwatema myaka munana.

Walamuzi 2:14

Hobaho Muwaha Mulungu yakawakolelwa likuwo Waisilayeli no kuwatajila mu miwoko ye walugu wawo, ho wawahome, no kuwahiziza vinhu vyawo. Yakawapela vilungo i walugu wawo, nawo Waisilayeli wakawula vilungo vyo kwitaziza ho wawasume walugu wawo.

Wukumbucize wo Wulajilize 32:30

Hamba kumanya vyono wali wanhu elufu monga, ninga munhu monga du kawasuma. Na wanhu elufu yikumi wasumwa na wanhu wejete du? Muwaha Mulungu, u Mulungu wawo, yakondya kuwaleka, Mulungu wawo we vilungo, yakondya kuwagumila.

Mwamulizo 11:2

Alu i wanhu lono wali weza kwanza kujendajenda wakulawilila ku lubavu lwa kucilima, nawo wali weza kufika mu yisi yo wuhihi ya Shinali, hodu wakawa kwikala kuko.

Mwamulizo 10:10

U mwamulizo wo wutemi wakwe Nimulodi, wali Babiloni na Eleki na Akadi, mu yisi ya Shinali.

Habakuki 1:16

Sunga wakuzihemba zinyavu zawo, no kuzilavizya makumbiko, vyono zinyavu zawo zikuwapela iviswanu vyose.

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Yelemiya 51:44

Nane nomulipiciza Beli, u mulungu wa Babiloni. Nane nomunoza yalavyanize milungu yose yono yayihiza. Ne makungugo si gomuhemba kanyhi yaye.” “Majinji ga Babiloni gakondya kugwa.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Ezila 1:7

U mutemi Koleshi nayo, yakawagomolela i vikombe ne zibakuli, vyono Mutemi Nebukadineza, yali yavisola mu Nyumba yo Mulungu ku Yelusalemi, no kuviwika mu wuhembelo we milungu yakwe.

1 Samwili 5:2

Wakaliwika mugati ye nyumba ya Dagoni, u mulungu wawo, wakaliwika ha mhelo behi na Dagoni.

Isaya 42:24

Mwene nani mono yawalavya Isilayeli ho watekwe? Yo mweneco Muwaha Mulungu mono sese camusutizya, Hambi nha cekalaga mu mikalile yono si yamwendezaga mwene, hamba kwibata mejizo gakwe gono yacijiza.

2 Watemi 24:1

Na lono Yehoyakimu yali yakali yatemile, yakaza Nebukadineza mutemi wa Babiloni, yakayihoma yisi ya Yuda, yakayisola. Nebukadineza yakamudindimiza Yehoyakimu, myaka midatu, yawe yali hasi yo wutemi wakwe. Ninga hanyuma Yehoyakimu yakamugaluka yakamubeza.

Yelemiya 25:1

Na mu mwaka we kane, wa mu wutemi wa Yehoyakimu u mwana wa Yosiya, mu yisi ya Yuda, u Muwaha Mulungu yakanonjela za kuli wanhu wa Yuda. (No mwaka wuwu, wali wo mwaka mulongozi, wo wutemi wa Nebukadineza u mutemi wa Babiloni.)

Yelemiya 27:16

Hanyuma nghawa kuwalonjela nawo i wakohani hamonga ne wanhu wose, zono Muwaha Mulungu yalonga, nghawalonjela nawo nghatya nhavi, “Ale, nanye mulecele lukulu kuwahuliciza i wawizi wono wakumutyenyi nha vyono, i viya vye Nyumba yo Mulungu, vyologomolwa kanyhi ku wulawa ku Babiloni. Wakumukonjenyi bwete.

Yelemiya 28:3

Na mwi'pango lya myaka myejete, ane nowa nakondya kuvigomola hanhu baha, i viya vyose vya mu Nyumba yo Mulungu, vyono u mutemi Nebukadineza yavisola, yakavitegula ku Babiloni.

Yelemiya 35:11

Ninga lono mutemi Nebukadineza yayisolela yisi, baho nase ho calamulila cize ku Yelusalemi, ciwe kutali ne Babiloni hamonga ne walugu we Cisiliya. Na yiyi yo soko yono yikuleka ase cili baha cikaye mu Yelusalemi.”

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Danyeli 5:13

Lo lulo lulo Danyeli yakaletwa ha mwande yo Mutemi, nayo mutemi yakamutya, “Yo gwegwe Danyeli, ayulya Muyahudi muhamywa, mono waletwa na baba ku wulawilila ku yisi ya Yuda lono baba yali mutemi?

2 Zinghomo 36:5

Yehoyakimu yali yaficile myaka makumi mejete na mihano, lono yanziza kutema mu Yuda. Nayo yakatema mu Yelusalemi, myaka yikumi na monga. Ninga yaketuma zimbi hali Muwaha Mulungu, u Mulungu wakwe.