Danyeli 1:1 - Luganuzi Luswanu Kuli Wanhu Wose 2002

¹ Ale, mu mwaka we kadatu, wa mu wuteme wakwe Yehoyakimu mu yisi ya Yuda. Mutemi Nebukadineza wa ku Babiloni yakalipilima likaya lya Yelusalemi no kulihoma.

Danyeli 1:1 Referans Kwoze

2 Watemi 24:13

Yakavisola viwutwa vyose vya mu Nyumba yo Mulungu, na vya mwi'kulu, yakavitegula ku Babiloni. Nebukadineza yakavidumulanga viya vyose vye zahabu, vyono vyetumamilwaga mu Nyumba yo Mulungu, vyono yavinoza mutemi Solomona, nha vyono Muwaha Mulungu yalonga.

Isaya 39:7

Hamonga na wanji wa muli wanago wako, nawo wolosolwa wategulwe kutali, wakapaswe, wawe wetumami wa mwi'kulu lyo mutemi wa Babiloni.’ ”

Yelemiya 25:1

Na mu mwaka we kane, wa mu wutemi wa Yehoyakimu u mwana wa Yosiya, mu yisi ya Yuda, u Muwaha Mulungu yakanonjela za kuli wanhu wa Yuda. (No mwaka wuwu, wali wo mwaka mulongozi, wo wutemi wa Nebukadineza u mutemi wa Babiloni.)

Yelemiya 35:1

Mu vilo vyono Yehoyakimu u mwana wa Yosiya, yali yo mutemi wa Yuda, u Muwaha Mulungu yakanonjela yakatya,

Yelemiya 35:11

Ninga lono mutemi Nebukadineza yayisolela yisi, baho nase ho calamulila cize ku Yelusalemi, ciwe kutali ne Babiloni hamonga ne walugu we Cisiliya. Na yiyi yo soko yono yikuleka ase cili baha cikaye mu Yelusalemi.”

Yelemiya 36:1

Kukawa mu mwaka we kane wa mu wutemi wa Yehoyakimu u mwana wa Yosiya, u mutemi wa Yuda, u Muwaha Mulungu yakanonjela yakatya,

Yelemiya 45:1

Na mu mwaka we kane wo wutemi wa Yehoyakimu u mwana wa Yosiya, lono yali yatemile mu yisi ya Yuda. Baluku yakawa kuzandika zinghani zose zono namulonjelezaga. Nghamulonjeleza,

Yelemiya 50:1

Ayi nayo, yo nghani yono u Muwaha Mulungu yanonjela, ya kuli ze likaya lya Babiloni, hamonga ne wanhu wayo, yakatya nhavi,

Yelemiya 52:12

Na mwi'zuwa lye likumi, lya mu mwezi we 'hano wa mu mwaka we likumi ne 'cenda, wo mutemi Nebukadineza, u mutemi wa Babiloni, yakaza Nebuzaladani u muwaha we wasilikale i walindilizi wo mutemi wa Babiloni, yakenjila ku Yelusalemi.

Yelemiya 52:28

liwalo lye wanhu wono Nebukadineza yawasola wafungwa lyo lino. Mu mwaka wo mupunghati, wa mu wuteme wakwe, yasola wanhu elufu yidatu na makumi mejete na wadatu.

Danyeli 5:13

Lo lulo lulo Danyeli yakaletwa ha mwande yo Mutemi, nayo mutemi yakamutya, “Yo gwegwe Danyeli, ayulya Muyahudi muhamywa, mono waletwa na baba ku wulawilila ku yisi ya Yuda lono baba yali mutemi?

2 Watemi 23:36

Yehoyakimu, yali yaficile myaka makumi mejete na mihano lono yatemela mu Yuda. Nayo yakatema mu Yelusalemi myaka yikumi na wumonga. U nyina yacemwaga Zebida, u mwana we cicekulu wa Pedaya, munya ku cikaya ca Luma.