1 Yohana 1:8 - Luganuzi Luswanu Kuli Wanhu Wose 2002

⁸ Na hono ciwe kutya cisina wubi, cikwikonga co weneco, ne mbeka muli sese musina.

I CILAGANE CIPYA 1991

⁸ Na hono ciwe kutya cisina wubi, cikwikonga co weneco, ne mbeka muli sese musina.

1 Yohana 1:8 Referans Kwoze

Walumi 3:23

Iwanhu wose wetumile wubi no kucepucilwa no lukumyo lo Mulungu.

Yakobo 3:2

Hambi na sese wose nha cisutyaga kali kenji. Ninga hone munhu sikasutyaga mu wulonje wakwe, munhu yuyo kowa yakwilaniciye, kanyhi kosuma kuwimila muwili wakwe wose.

Muganuzi 7:20

Na mbeka, hasina munhu wo wose mono'nze mono yali ling'ani, mono ketumaga ziswanu du nhondo zose, hamba kwituma wubi yaye.

Isaya 53:6

Ase wose cinha zingholo zono zajiliye, munhu yakubita na nzila yakwe mweneco. Ninga Muwaha Mulungu yakamulipiciza so sese, u wulipicizwe wono wali wucinojeye sese co weneco.

1 Yohana 2:4

Na munhu hono yatye yamumanyile Mulungu, ninga kuno ho siyakugakamisa i malajilizo gakwe, u munhu yuyo mulambi, hamba ne mbeka yose yili musina muli mwene.

1 Yohana 1:10

Na hono ciwe kutya cikali sinetuma wubi, cowa camunoza u Mulungu nha mulambi, ne nghani yakwe yili musina muli sese.

Zimbazi 20:9

Alu mwene, ho yuli mbeka munhu, mono kosuma kutya, vyono si yakuhoswa ne ciselinji cakwe, mono yakondya kwiyeza wubi wakwe?

Jobu 15:14

Alo munhu mbeka kosuma kuwa yelile hongo? Hamba kuwa ling'ani hali Mulungu?

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Zabuli 143:2

Kanyhi wulece kuning'aniza ane no mwitumami wako, hambi hali'gwe nha hasina mono yali ling'ani, hamba yumonga bwete.

Yakobo 1:26

Na hono munhu yewone mweneco nha munhu mono yebate dini muno muno, ninga kuno siyakusuma kulwimila lulimi lwakwe, dini yakwe u munhu yuyo yikuwa yisina hamba cambuzi co cose, langa yakwikonga mweneco du.

1 Timoteyo 6:5

no wiwanganile wono wusina ndumo, wono wukulawa kuli wanhu we mahala gono gavizice, kanyhi wono wayisina imbeka. Wono wehwesaga vyono dini, mba yo nzila yo kutujila wugoli.

Jobu 25:4

Hamba ho yuli yunji mono kowa ling'ani, hali Mulungu, hamba mono yelile ha meso gakwe?

1 Watemi 8:46

“Na kolo wanhu wako wakukusutizya, hambi nha hasina munhu mono si ketumaga wubi, nagwe mwi'kuwo lyako wuwalece walugu wawo wawasume, kanyhi wawasole wenha wafungwa wawategule ku yisi yinji, hamba yisi yiyo yiwe yili kutali muno muno,

1 Wakolinto 3:18

Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze-yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

Jobu 14:4

Hambi nha hasina ciswanu co cose cono cosuma kulawa muli cono si ciswanu, nha vyono munhu yenha.

2 Zinghomo 6:36

“Na hono wanhu wako wetume wubi hali'gwe, na hawe hasina hamba monga mono si yetumile wubi. Na mwi'kuwo lyako, nagwe wuwalece wasumwe ne walugu wawo, wawasole nha wafungwa, no kuwategula ku yisi yinji, hamba yisi yiyo yiwe yili kutali muno muno,

2 Yohana 1:2

vyono yimbeka yikalaga nase cibitilila.

1 Yohana 1:6

Holeka hono ciwe kutya cili wumonga nayo, na kuno ho cikwikala mu wutitu, cowa calonga wulambi mu wulonje na mu metumo.

Yakobo 1:22

Mulece kwiyikonga nyo weneco, mu wuhuliciza i nghani yakwe du, langa mweze wetuma i nghani yakwe.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Jobu 9:2

“Heya! Nane manyile vyono zose zizi zono wukuzilonga za mbeka. Ninga munhu kosuma wule kuwa yali ling'ani hali Mulungu?

3 Yohana 1:3

Hambi nha nasecelela muno lono we zindugu wanji waziza baha, wakanonjela zo wihuwilwa wako wa mu mbeka, nha vyono agwe wukujendela mu mbeka nhondo zose.

2 Petelo 2:13

Kanyhi wolipwa magazo ku soko ye magazo gono wesaciye weneco. Ne nyemo yawo yili mu wunoza, co cose cono cikwigutya imasulumizi gawo go muwili, kanyhi wakuzinoza zizo mu misi du mugati. Iwanhu we nhavivyo wakuleta cevu hamonga na soni mbaha, kolo mwekonghola hamonga nawo, mu wulye we zindigwa zenyu ze zisikukuu, akuno wakuzisecelela i zinzila zawo zo wukoci.

Yelemiya 2:35

anye mukutya nhavi, ‘Ane sina masutya go gose, holeka u Muwaha Mulungu, si kongholelwa likuwo yaye.’ Ninga mumanye vyono ane no Muwaha Mulungu, nomulipicizenyi du, hamba yiwe nyenye nyo weneco, si mukulumba yaye vyono mwitumile wubi.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Walumi 3:10

Nha vyono gakulonga i Mandiko Gono Gelile. “Hasina we ling'ani hamba monga.

1 Yohana 4:20

No munhu hono yatye vyono yamwendile Mulungu, akuno ho yamusulile nduguye, ayo yuyo mulambi. Vyono munhu mono si yamwendile nduguye mono yakumuwona ne meso, si kosuma kumwenda Mulungu mono si yakumuwona kwe meso.

Walawi 13:12

Na hono wutamwa wuwe wakondya kumutandala munhu mu muwili wose ku wulawilila ku migulu sunga ko ku mutwe,

2 Watemi 20:15

Isaya yakatya, “Alu wawona cici mwi'kulu?” Nayo Hezekiya yakatya, “Niwalajila vinhu vyose vya mu viwutwa vyangu, hasina hamba cinji cono cili mu viwutwa vyose, cono si niwalajiye yaye.”