1 Yohana 1:1 - Luganuzi Luswanu Kuli Wanhu Wose 2002

¹ Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

I CILAGANE CIPYA 1991

¹ Cikukwandicila zizi so i nghani yo wumi yono yali yili baho ku wulawa mwamulizo. Ase cayihulika no kuyiwona ne meso getu sese co weneco, cayiwona no kuyibata kwe miwoko yetu sese co weneco.

1 Yohana 1:1 Referans Kwoze

Yohana 20:27

Hanyuma yakamutya Tomaso “Lete kuno cidole cako, wulanje maganza ge miwoko yangu, wulete no muwoko wako, winjize mu lubavu lwangu. Ho wulece kuwa na mahwele, langa wihuwile!”

Metumo ge Watumwa 4:20

Hambi nha si cosuma kuleka kuzilonga zono cawona no kuhulika.”

1 Yohana 4:14

Ase cakondya kumuwona no kuwalonjela i wanji vyono u Sogo yo munhu, yamutuma yawe Mukomboza yinze.

Yohana 5:26

Nha vyono u Sogo yo munhu yo mwamulizo wo wumi, ale nhavivyo nayo yamupela Mwanagwe yawe mwamulizo wo wumi.

Luka 24:39

Lanjenyi mawoko gangu ne magulu gangu, vyo yo nene mweneco, munyalabataje munanje; hambi mwenzeze nha wusina muwili ne mafupa, nha vyono mukumbona ane nina navyo.”

Yohana 8:58

Yesu yakawatya, “Ane nghumulonjelenyi mbeka, vyono, lono Abulahamu yali yakali nalelwa, ane nali nili baho.”

Wugubule 1:8

“Ane yo nene wo Mwamulizo na wo Mudumo,” vyo yakutya Muwaha Mulungu u Mudaha Vyose, mono hoyuli, mono yali ho yali, na mono yakuza.

Yohana 19:35

Nayo mono yaziwona zizi, yazilonga, nanye ho mwihuwile. Na zizo zono yalonga, za mbeka, nayo yamanyile vyono yakulonga za mbeka.)

Metumo ge Watumwa 1:3

Na lono, yali yatamiswa yakondya, yakelajila kuli wene vyono mumi, mu vitanjilo vinji vye vilungo, lono yejelaga kuli wene yidaha lya vilo makumi ma'ne. Wamuwona, nayo yakaduwana nawo muli zo wutemi wo Mulungu.

Wugubule 19:13

Kanyhi yali yavwalile civwalo cono cali cilowece mu sakami. Ne litagwa lyakwe yuyo yacemwaga, “I nghani yo Mulungu.”

Wugubule 2:8

“Kuli malayika we likanisa lya Simulina, wandice nhavi, ‘Ayi yo nghani yono yikulawa kuli mwene mono wo Mwamulizo na wo Mudumo, mono yafwa no kuwumipa kanyhi.

Luka 1:2

Wakandika nha vyono calonjelwa na awalya wono wewonelela weneco kulawa mwamulizo, no kulwanza Luganuzi lulo.

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Isaya 41:4

Mwene nani lo mono yazinoza zizi zijele? Hamba nani mono yawuwika mwamulizo we zinghomo? Yo nene, ane no Muwaha Mulungu, yo nene mono nali nili baho ku wulawa ha mwamulizo, kanyhi yo nene du no Muwaha Mulungu, mono nowa baho ha ndumilizo ya zose.

1 Yohana 5:7

Holeka wali baho wahomelezi wadatu.

Wahebelaniya 2:3

Alu ase ma! Ho coponela hayi hono ciyileceleze mhonelo mbaha nha yiyi? Yono yamula kulongwa no Muwaha mweneco, na wono wahulika, wakacihomelela vyono yili mbeka.