1 Wakolinto 1:23 - Luganuzi Luswanu Kuli Wanhu Wose 2002

²³ ninga 'se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu wono si Wayahudi, inghani yiyi, wulele du kuli wene,

I CILAGANE CIPYA 1991

²³ ninga se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu we makungugo, inghani yiyi, wulele du kuli wene,

1 Wakolinto 1:23 Referans Kwoze

1 Wakolinto 2:14

U munhu we ciyinze-yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, litalawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa ku wulawa mwamulizo.

1 Wakolinto 2:2

Na kanyhi, hamba si nasaka ho manye nghani yo yose ya muli nyenye, langa nghani monga du, heya, nimumanye Yesu Kilisito du, u mwene Kilisito mono yatumbikwa mu musalaba.

Wagalatiya 5:11

Ane ku lubavu lwangu, anye mo wandugu zangu, hono niwe nghali kuganula vyono yinojeye kwalama, alu nhawule nghali kuwingwa-wingwa? Hamba nhavivyo u wuganule wangu muli zo musalaba wa Kilisito, si wali wulete cevu co cose.

1 Wakolinto 1:18

Hambi inghani yono yikulolosa zo wufwe wa Kilisito mu musalaba, yikuwa nha nghani ya wulele kuli walya wose wono wali mu mukumbo wo wajilile, ninga kuli ase mono cili mu nzila ye mhonelo, inghani yiyo, vyo vilungo vyo Mulungu.

Luka 2:34

Simiyoni yakawalugutiza, yakamulonjela nyina Malyamu, “Muli mwana yuyu, wenji wa muli Waisilayeli wokwajilila, na wenji wopona.

Wagalatiya 6:14

Ninga ane si nokwilumbila muli cinji co cose, hono si mu musalaba wo Muwaha wetu Yesu Kilisito langa, ku soko mu nzila yo musalaba wuwo, yiyo yinze yikawulagwa kuli nene, nane nghawulagwa kuli yinze.

Matayo 13:57

Holeka wakawa na mahwele no mwene. Ninga u mwene Yesu yakawalonjela yakawatya, “U muwizi katugaga lilumbo hanhu ho hose, langa hono si mu yisi yakwe na mu mhuga yakwe du mo sikatugaga lilumbo!”

Matayo 11:6

Holeka, yo mumoti u munhu mono si yakuyiwona nghani yo yose yimbi muli nene.”

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu wono si Wayahudi u wugoli wa Kilisito, wono wusina cipimo,

Wagalatiya 3:1

Anye mo Wagalatiya, mbeka mweza muli walele! Alo mono yamukulujenyi nani? Hamby inghani yo wutumbikwe wa Yesu Kilisito, nha mwanzalicilwa ha meso genyu.

2 Wakolinto 4:5

Hambi ase, nha si cikwiyiganula sese co weneco, langa 'se cikumuganula Kilisito mono yo Muwaha, nase nha cili wetumami wenyu ku soko ya Yesu.

1 Wakolinto 1:28

Kanyhi u Mulungu yakazihagula zizilya zono hamba mu mahweso ge ciyinze-yinze, zikwijela vyono zisina cambuzi hamba hadodo kanyhi zibedegaywe muno muno, zo nghani zono si zali zili baho kulawa na katali, na mu nzila ya zizo, ho yasume kuziwusiza lukulu mu mahweso ge wanhu, izinghani zono wanhu wehwesaga vyono zina cambuzi.

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala, wakuziwona nha kotya wulele du, nha cinji inghani yono cikuyiganula.

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

Wahebelaniya 12:2

Akuno cikumulanga Yesu mono wo mwamulizo wo wihuwilo wetu, no kuwukwiza. Mono, ku soko ye nyemo yono yali yawiciywe u mwene, yakangalila u wufwe wa mu musalaba, hamba kulanga ze cevu cakwe, alu yekaye ku lubavu lo kulume lwe ligoda lyo lukumyo lyo Mulungu.