1 Timoteyo 1:4 - Luganuzi Luswanu Kuli Wanhu Wose 2002

⁴ Kanyhi wuwalonjelaje walecele lukulu zisimo zizilya zono zisina nhunizo yo yose hamba hadodo, hamonga ne zinghomo zinhali ze zindelwa ze walezi wetu, zono ziletaga wiwanganile wa bwete, hamba siziwazengaga wanhu mu wuhile wo Mulungu wono wumanyice mu nzila yo wihuwilo.

I CILAGANE CIPYA 1991

⁴ Kanyhi wuwalonjelaje walecele lukulu zisimo zizilya zono zisina nhunizo yo yose hamba hadodo, hamonga ne zinghomo zinhali ze zindelwa ze wasetu, zono ziletaga wiwanganile wa bwete, hamba siziwazengaga wanhu mu wuhile wo Mulungu wono wumanyice mu nzila yo wihuwilo.

1 Timoteyo 1:4 Referans Kwoze

Tito 3:9

Ninga wilegaje mu wuwanji wo wulele, hamba mu wiwanganile wo wuwale we zindelo ze wakoko, no wugomvi, no wiwanganile muli zo Wulajilize. I zinghani zizo zisina hamba cambuzi kanyhi za bwete du.

Tito 1:14

Walece kujendelela ne zisimo ze bwete ze Ciyahudi, hamba i malajilizo ge wanhu gono gakwibuka muli wanhu wono wayilema i mbeka.

1 Timoteyo 4:7

Ninga wulecele lukulu zisimo zono zisina dini na zono zisina nhunizo yo yose. Wizowelezaje kwikala mu mikalile yo wogopa Mulungu.

2 Timoteyo 4:4

Hamba si wokwendela lukulu kuyihulika imbeka, langa wokwenda kuzihulicila zisimo zo wulambi.

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe ne meso getu co weneco.

1 Timoteyo 6:20

Gwe, Timoteyo wukamise viswanu zose zono wakozwa. Wilegaje mu miduwo ye ciyinze-yinze, hamonga no wiwanganile wo wulele, muli cico cono wanhu wanji wacemaga: “Wumanye” ninga vyo si vinha.

Wahebelaniya 13:9

Mulece kutyatya ze mafundo ganji ganji ge cijenzi. I lihewa lyo Mulungu lyo likucisikamya i zinhumbula zetu, hamba si myoto ya mu wulye; hambi i malajilizo nha si gamutaza hamba hadodo u munhu wo wose mono yagatyatya.

2 Timoteyo 2:14

Ale, wuwakumbucizaje wanhu wako izinghani zizino, kanyhi wuwalonjelaje hali Mulungu, vyono walecele lukulu wiwanganile wa mu zinghani. Hambi wiwanganile wuwo, nha si wukwiliye cinji hamba hadodo, langa wuletaga wuhodanjice wuwaha kuli awalya wono wakuwuhulika.

2 Timoteyo 2:22

Ale, kanyhi wilegaje no wusulumizi we cizelelo zelelo, wutyatye wiling'ano, wihuwilo, wendo, mulamu, hamonga ne wanhu wose wono wakumulomba Muwaha kwe nhumbula swanu.

1 Timoteyo 6:11

Ninga 'gwe, go munhu wo Mulungu, wilegaje mu zinghani zizo. Wukamise wiling'ano, no wogopo Mulungu, no wihuwilo, no wendo, ne ngola, no winenenyhezi.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatonga ho wayimanye i mbeka yo wuhembi wetu,

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono, mu wikale wetu wa mono yinze yiyino na ko muno muli'nye, cekala ko winenenyhezi wose hamonga no wele wa mu nhumbula, wono wukulawa kuli Mulungu, hamba si catongwa ne lihala lye cimunhu-munhu, langa catongwa ne lihewa lyo Mulungu.

Waefeso 3:2

Nitumbiye mwakondya kuhulika vyono u Mulungu, so lihewa lyakwe, yamhela u mulimo wuwu, niwitume so cambuzi cenyu.

2 Timoteyo 2:23

Kanyhi wilegaje no wuwanji wo wulele, na we ciwula mahala, wumanyile vyono zizo ziletaga wugombane.