Titus 3:9 - Lakota Portions

⁹ Eyaṡ ṫuƞkaṡilawiċauƞyaƞpi kʹuƞ eċiyataƞhaƞ witkoya waakinic̄api, na wawikipajiƞpi, na Moses ṫawooṗe akinic̄api hena etaƞ iṫehaƞ nigluha kte. Lena takuni iwiċawaṡte ṡni na otuyaċiƞ iwoglakapi.

Titus 3:9 Referans Kwoze

2 Timothy 2:14

Taku ki lena tuweni ektuƞṡwiċakiye ṡni yo. Na Wak̇aƞṫaƞka aniblesya lena leċel iwahowiċayayiƞ kte, he woiye uƞ ahoiyekiċiyapi kte ṡni. Ahoiyekiċiyapi ċaƞna tuweni wookiye iċu ṡni. Eṡʹeyaṡ, tuwe naḣ'uƞpi ki hena uƞṫuƞwiċayapi.

2 Timothy 2:23

Ṫawaċiƞ wanilya na witkoya ahoyekiċiyapi ki hena etaƞhaƞ iḣeyab igluha yo. Woṡiċe eċela lena etaƞhaƞ iċaġe yelo.

1 Timothy 4:7

Wiċoyake eya takuni iwaṡtepi ṡni na ṫawaċiƞ iwicakiyujena waƞ hena etaƞ iḣeyab nigluziƞ kte. Wowiċala hecetu ḣc̄i ki he eċa wowaṡi taƞyaƞ eċel eċanuƞ kte.

2 Timothy 2:16

Ikċekċeya woglakapi na waaiyapi ki hena etaƞ iḣeyab igluha yo. Leċetu ki hena taku eċela iwaṡte ki he oyate ki wowaḣtani gluwaṡʹakapi.

Titus 1:14

Ohuƞkakaƞ ehaƞni eya woimaġaġa uƞ oyakapi, hena wowiċak̇e iyeċel oyakapi kte ki he heċetuṡni. Na etaƞ iyuƞk̇ala taƞyaƞ wiyukc̄aƞpi ṡni eyaṡ woglakapi hena anawiċaġoptaƞpi ṡni yo. Lena oyate ki wowiċak̇e ki wic̄alapi ṡni.

James 4:1

Takuwe ċa yeċizapi na ahoyeyeċiyapi hwo? Iṡnaniċ'ilapi na niye tokel yaċiƞ ki he ognaya taku iyuha iyopteyapi yaċiƞ ki he uƞ heċetu hwo?