Titus 3:8 - Lakota Portions

⁸ Wonaḣʹuƞ ki le ataya heċetu. Wouƞspe ki lena woilake waṡte na iyuha uƞkiwaṡtepi kte. Oyate ki iwaṡtepi kta uƞ lena iyuha yuhapi kta iyowiċayapaṡtakiƞ kte, heċel tuwe ki iyuha Wak̇aƞṫaƞka wic̄alapi hena wiċoḣʹaƞ waṡteṡte eċuƞpi kte.

Titus 3:8 Referans Kwoze

Titus 3:14

Crete el Iṫaċaƞ wic̄alapi hena iƞṡ-eya taku waṡte eċuƞ pic̄a hena wilagicʹiyapi kta iyeċetu.

Titus 2:14

He uƞkiyepi uƞ icʹicʹu heċel taku ṡic̄aya iyopte ki hetaƞhaƞ yuḣeyab uƞkic̄upi ċiƞ ki heuƞ. Wak̇aƞṫaƞka ṫaoyate heuƞċapi heuƞ ċaƞte kicʹuƞyaƞ ni uƞkʹuƞpi kta.

Titus 1:9

Wowahokuƞkiye waƞ uƞspekiyapi ki he sutaya gluha kte, heċel awowahokuƞkiye ki he iƞṡ-eya oyate ki iwaṡtepi kte. Na etaƞ kipajiƞpi ki hena igluwiċak̇api okihipi kte ṡni na iwiċayaksapapi kte.

Titus 3:1

Oyate niṫawa ki kiksuyewiċaya yo: Tuwa oyate ki iwaƞkal wowaṡʹake yuhapi ki hena ahowiċaṗapi kte. Anawiċaġoptaƞpi kte. Eṡʹeyaṡ ohiƞniya takuƞl waṡteya eċuƞpi kta uƞ igluwiƞyeya uƞpi kte.

1 Peter 1:21

Na ṫaiƞiċ'iye ki heuƞ, Wak̇aƞṫaƞka wiċayalapi kte, He wiċuƞtʹe etaƞhaƞ yukini na wowitaƞ uƞ yuonihaƞ. Le uƞ Wak̇aƞṫaƞka wiċayalapi na taku k̇e ki he waċiƞyekiya ayaṗepi.

1 Timothy 1:15

“Christ Jesus oyate ki waḣtanipi sʹa uƞ niwiċayiƞ kta ċa mak̇a ki le el hi.” Woyake ki le heċetu, nahaƞ waċiƞyaƞpi okihipi. Wanji waḣtani sʹa na ihaƞkeya ṡiċe kʹuƞ he miyelo!

Philemon 1:11

Ehaƞni he takuƞni ikipi ṡni tk̇a, eyaṡ waƞna he waċiƞuƞyaƞpi.

Ephesians 4:28

Wamayanuƞ sʹa tk̇'a eyaṡ hehaƞyaƞ wamanu ṡni yo. Owoṫaƞla uƞ na temniya wowaṡi eċanuƞ kte, heċel oyate eya taku iyuċaƞpi kʹuƞ hena takuƞl wiċayakʹu oyakihi kte.

1 Timothy 2:8

Tohaƞl oyate ki waċekiyapi ċaƞna, ċaƞtewaṡteya yuġal waċekiyapi kta.

1 Timothy 5:10

Nakuƞ taku ota waṡte-ṡteya eċuƞ kʹuƞ hena uƞ oċaṡṫuƞyaƞ uƞ kte, na wak̇aƞyeja taƞyaƞ iċaḣwiċakiyiƞ kte, na tiole omanipi ki hena wowiċakʹu kte, uƞṡiicʹiya waokiyiƞ kte, Wak̇aƞṫaƞka wic̄alapi ki hena ṫatiopa ki ohiƞniyaƞ yuġaƞwiċakihiƞ kte, ohiƞniyaƞ takuƞl waṡte ċa oyate ki eċawiċakic̄iċuƞ kta ole kte.

2 Timothy 1:12

Heuƞ waƞna makakije, eyaṡ heuƞ imaṡteċe ṡni. Waƞji wiċawala ki he slolwaye ki heuƞ, na taku waƞ iwahomaye ki he, mak̇a ihaƞke ṡni hehaƞyaƞ taƞyaƞ awaƞwaglakiƞ kte ki he slolwaye.

Titus 2:7

Ohiƞniyaƞ iwiċalaksapiƞ kte. Na taku wiċoḣʹaƞ waṡte ki he ognayaƞ nigluha na ċaƞte kicʹuƞyaƞ wauƞspewiċayakiyiƞ kte.