Titus 3:5 - Lakota Portions

⁵ Takuni waṡteya eċuƞkʹuƞpi ṡni tk̇a iye ṫawowauƞṡila ki uƞ niuƞyapi. Wak̇aƞṫaƞka ṫawoniya wowaṡʹake ki uƞ piya uƞṫuƞpi iyeċel uƞċaƞtepi ki uƞyueċetupi.

Titus 3:5 Referans Kwoze

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

1 Peter 3:21

Mnitaƞ ṫaƞka ki he wak̇aƞ woeċuƞ waƞ mnianiċaṡtaƞpi ki uƞ yanipi kta eyapi ki he iyeċetu. Eyaṡ mniawiċakaṡtaƞpi ki he mni eċela uƞ ṫaċaƞ ki niyujajapi kte ṡni. Tk̇a Wak̇aƞṫaƞka etkiya ṫawaċiƞ waṡteya uƞ miċ'iċ'u kte, eċiƞ Jesus Christ wiċuƞtʹe etaƞhaƞ yukinipi ki heuƞ.

1 Peter 1:3

Jesus Christ atkuku ki, Wak̇aƞṫaƞka yataƞpo. He lila wauƞṡila, na he Jesus wiċuƞtʹe etaƞhaƞ yukiƞni ki heuƞ wiċoni ṫeċa waƞ uƞkʹupi na waċiƞyekiya uƞkʹuƞpi.

Ephesians 2:4

Eyaṡ, Wak̇aƞṫaƞka lila uƞṡiuƞkilapi na ṫeuƞkiḣilapi kacʹuƞ,

Ephesians 5:26

Ok̇olakiċiye wak̇aƞ ki he ṫaoiye ki uƞ yuwak̇aƞ, mni uƞ yujaja na ohakab yuwak̇aƞ.

1 Peter 2:10

"Ehaƞni Wak̇aƞṫaƞka slolyayapi ṡni waƞ hehaƞ nitakunipi ṡni. Waƞna Wak̇aƞṫaƞka ṫaoyate ki niyepi. Ehaƞni tuweni uƞṡinila ṡni. Eyaṡ waƞna Wak̇aƞṫaƞka ṫawowauƞṡila ki uƞ uƞṡinila."

Ephesians 4:23

Woniya Wak̇aƞ ki niṫawowiyukcaƞ ki niyuṫeca kte

Luke 1:78

Wanikiya ṫaaƞpetu ki he aƞpo oiyokipiya he iyeċel waƞyaƞguƞkiyapi kta, eċiƞ Wak̇aƞṫaƞka uƞṡiuƞlapi.

Luke 1:54

Wak̇aƞṫaƞka Israel oyate ki taku iwahowiċaye waƞ he kiksuye, ṫawowaṡi uƞṡiwiċakila kte ki he kiksuye.

Luke 1:50

Tona wak̇aƞlapi na yuonihaƞpi hena wiċoiċaġe le e na etaƞ upi kte ki hena uƞṡiwiċala kte,

Titus 3:4

Tuk̇a hehaƞ Wak̇aƞṫaƞka Niuƞyaƞpi uƞkiṫawapi ki ṫawowauƞṡila na ṫawowaṡte ki gluaṫaƞiƞ.

Luke 1:72

Takuwiċauƞyapi waƞ hena Wak̇aƞṫaƞka uƞṡiwiċala na ṫaoiye wak̇aƞ waƞ el taku eċuƞ kta keye ki iyeċetu kte.