Titus 3:2 - Lakota Portions

² Tuweni wiċayaṡic̄api kte ṡni. Ahoyekiċiyapi kte ṡni. Tuwe ki iyuha ob taƞyaƞ uƞpi kte na waḣwayela opiicʹiyapi kte.

Titus 3:2 Referans Kwoze

Ephesians 4:31

Oyate ki awiċaċaƞyazekiƞ ṡni, na oċaƞzelya yauƞ ki uƞ oċiƞniṡiċe kʹuƞ he hehaƞyaƞ heċuƞ ṡniyo. Tuweni ċuƞzeya akiċiyuptapi ṡni yo, na iċaptahaƞpi ṡni yo, na tuweni wauƞspepi ṡni iyeċel okiċiċuwapi ṡni yo.

Ephesians 4:2

Uƞṡii'ċ'iya, na waḣwayela opiniċ'iyapi kte, waċiƞṫaƞgya etaƞ woec̄uƞ gluṡnapi kʹuƞ hena uƞṡiwiċayalakapi kte,

1 Timothy 3:3

Mniṡa yatkaƞpi isamicʹiyapi kte ṡni naiƞṡ woiṡilkaġapi kte ṡni. Tuk̇a wowauƞṡilapi na waṡteċakapi, na mazaska ki he eċelayapi kte ṡni.

1 Peter 3:10

"Wiċoni lila waṡte yalakapi na iyonikipipi yaċiƞpi haƞtaƞnaṡ hehaƞyaƞ ṡiċaya woyaglakapi kte ṡni, na hehaƞyaƞ oniwak̇aƞk̇aƞpi kte ṡni.

1 Peter 3:8

Ahakeḣc̄i, leċel eṗa waċiƞ, iyuha akiyeċel wilukc̄aƞpi na uƞṡiyeċilakapi kte. Nakuƞ ċantewaṡteya yauƞpi na waḣwala opiniċ'iyapi kte.

James 4:11

Mitakuyepi, woiye ṡikṡiċa uƞ tuweni awaiyewiċakiyapi ṡni yo! Heċanuƞpi ki, naiƞṡ tuwa laṡiċapi haƞtaƞnaṡ, Wak̇aƞṫaƞka ṫawooṗe ki he laṡiċapi iyeċeċa yelo. Na Wooṗe ki he laṡiċapi ki, Wooṗe ki he iwaƞkab nigluzapi na he ahoyaṗapi ṡni naiƞṡ

1 Peter 2:1

Wawoyusiƞkapi etaƞhaƞ igluḣlayapo! Oyate ki wiċagnaya iyuṫapi ṡni yo, nahaƞ e e ċaƞtekiċ'uƞyaƞ uƞpo. Oyate anawiċawizipi ṡni na ṫawaċiƞ hiƞyaƞzaƞya owiċakuwapi ṡni yo.

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

1 Timothy 3:11

Wiƞyaƞ ki iƞṡʹeya yutaƞyaƞkel opiicʹiyapi kte. Waaiyapi kte ṡni naiƞṡ mniṡa yatkaƞ isamicʹiyapi kte ṡni, taku eċuƞpi ki hena iyuha waċiƞyekiya eċuƞpi kte.

1 Thessalonians 2:7

Eyaṡ wahoṡiya heuƞċapi uƞ waċiƞuƞniyaƞpi uƞkohipi tk̇a. Eċiƞ Christ eċa hiyuuƞyaƞpi. Eyaṡ e wak̇aƞyeja sʹe niohaƞ uƞkʹuƞpi, naƞiƞṡ wiƞyaƞ ċa hokṡi awaƞwiċaglake sʹe uƞkʹuƞpi.

Philippians 4:5

T̄uwe ki iyuha waḣwayela owiċakuwap̄o. Iṫaċaƞ ki eċani k̄u ktelo.

Jude 1:10

Eyaṡ oyate ki lena taku okaḣniġapi ṡni hena iyuha oṡteglapi. Witkoya wiyukc̄aƞpi uƞ ihaƞgiċ'iyapi, iċiƞ taku waƞyaƞkapi okihipi ki hena uƞ eċela nipi.

Jude 1:8

Oyate eya iwowiċawagleke ki hena tuwe kʹeya takuƞni itok̇api ṡni na woihaƞble el taku waƞyaƞkapi keyapi na ṫaċaƞ ki ihaƞgiċ'iyapi. Taku mak̇a el wokiċuƞze ki hena ahoṗapi ṡni na ogligle wak̇aƞpi ki hena oṡtewiċaglapi.

2 Peter 2:10

Wak̇aƞṫaƞka oyate eya wanḣ'uƞpi ṡni na takuƞni waṡte awaċiƞpi ṡni e taku ṡiċe ecela awaċiƞ uƞpi hena wiċakipajiƞ. Lena tokel ċiƞpi ognaya igluhapi, na tuweiċ'ilapi, na takuƞni k̇okipa ṡni keyapi na oglgle wak̇aƞ ki hena wiċakuƞzapi.

1 Peter 4:4

Hena eċa waƞna takuwe owiċayaṗa ṡni ki iyukc̄aƞpi na oiniḣapi.