Titus 2:8 - Lakota Portions

⁸ Woiye eya uƞ wauƞspewiċayakiye ki hena taƞyaƞ yaglaḣniġiƞ kte, heċel tuweni woiye niṫawa ki hena yaṡic̄a okihi kte ṡni. Leċanu kihaƞ etaƞ el iniglepi hena iṡtelicʹiyapi kte.

Titus 2:8 Referans Kwoze

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Peter 2:15

Taƞyaƞ waeċanupi ki ognayaƞ oyate eya wiyukc̄aƞpi ṡniyaƞ iniglepi hena aicʹiblezapi kte. Leċel Wak̇aƞṫaƞka ṫawaċiƞ.

1 Peter 3:16

taƞyaƞ waċiƞksabya alupta oyakihi kte, heċel tuwa Christ luonihaƞ ki heuƞ oṡtenigla kʹeyaṡ, waluonihaƞ ki heuƞ iṡteliċ'iyapi kte.

1 Timothy 6:3

Tuwa takuƞl ṫokca ċa ogna wauƞspewiċakiya haƞtaƞnaṡ Jesus Christ wouƞspe ki he wiċala ṡni.

2 Thessalonians 3:14

Wowapi waƞ uƞkaġapi ki le etaƞ heċetuyawapi ṡni ki hena etaƞhaƞ iwaktaya uƞpo. Hena anawiċayaġoptaƞpi ṡni ki haƞ iye iṡteliċ'iyapi kte.

1 Timothy 5:14

Tokel ibluċaƞ ki he wiwaziċa eya nahaƞḣci ṫeċapi ki hena iyeṡ ake hiƞgnaṫuƞpi ki waṡte kte, na wak̇aƞyeja wiċayuhapi kte, na tiwahe awaƞwiċaglakapi kte. Heċel etan ṡilya uƞkawiyukcaƞpi kʹuƞ hena heċuƞpi okihipi kte ṡni.

Luke 13:17

Jesus ṫawoiye ki hena ṫokayapi ki ksuyewiċaye. Eyaṡ uƞma ki iyuha taku waṡteṡte eċuƞ ki hena iyokipipi yelo.

Mark 12:34

Le ayupte ki ksabya wiyuƞġe ki he Jesus slolye, ċa hekiye, “Maḣpiya wokiċuƞze ki ik̇aƞyela yauƞ welo.” Ho le ohakab tuweni ake Jesus wiyuġa ċiƞpi ṡni.

Mark 12:32

Moses ṫawooṗe ogna-wauƞspewiċakiye ki heye, “Iṫaƞċaƞ, wiċayake na taƞyaƞ wa e he yelo! Iṫaƞċaƞ ki he Wak̇aƞṫaƞka e, na tuweni isam Wak̇aƞṫaƞka ṡni yelo.

Mark 12:28

Ho hel, Moses-ṫawooṗe ogna wauƞspewiċakiya waƞ lena naḣʹuƞ ċa Jesus el i na Saducees ki Jesus taƞyaƞ awiċayupte ċa heuƞ wiyuƞġe: “Le wooṗe ṫaƞka ki tukte waƞji wooṗe tokahe hwo?” eya iyuƞġe.

Mark 12:17

Ċa Jesus ake leye, "Oiṫaƞcaƞ ḣce ki taku ki ṫawa hena kiċaijupo na Wak̇anṫanka inṡʹeya taku ṫawa ki hena kiċaijupo." Ċa iyuha Jesus inihaƞpi.

Titus 3:14

Crete el Iṫaċaƞ wic̄alapi hena iƞṡ-eya taku waṡte eċuƞ pic̄a hena wilagicʹiyapi kta iyeċetu.