Titus 2:2 - Lakota Portions

² Wiċaṡa ki hena waḣwayela opiicʹiyapi kte, blesyahaƞ ċaƞte kicʹuƞyaƞ uƞpi kte na itomni icʹiyapi kte ṡni. Wowic̄ala na wowauƞṡila na wowaċiƞye ki hena waṡʹagya gluhapi kte

Titus 2:2 Referans Kwoze

1 Peter 4:7

Eċaƞni taku ki iyuha ihaƞkiƞ kte. Heuƞ iḣapiċa ṡniyaƞ yauƞpi na waċiƞṫuƞgya waċeyakiyapi kte.

1 Timothy 3:11

Wiƞyaƞ ki iƞṡʹeya yutaƞyaƞkel opiicʹiyapi kte. Waaiyapi kte ṡni naiƞṡ mniṡa yatkaƞ isamicʹiyapi kte ṡni, taku eċuƞpi ki hena iyuha waċiƞyekiya eċuƞpi kte.

1 Peter 5:8

Ohiƞniya waktaya opiiċ'iyayo. Waƞji ṫokaniye ki he, wak̇aƞṡiċa ki e, he igmuƞ ṫaƞka ċa hoṫaƞgya hotuƞ omani, tuwa anasnatiƞ kta ole.

Titus 1:13

Taku eya wokc̄aƞ wiċaṡa ki eya waƞ hena heċetu. Ċa hena waṡʹagya iyoṗewiċayayapi kte, heċel ṫawowic̄alapi ki waṡʹakiƞ kte.

1 Timothy 3:2

Heuƞ oiṫaċaƞpi hena taƞyaƞ awaƞiglakapi na wokiċiyuze ki he ahokiṗa uƞpi kte. Waċiƞṫaƞkapi na waċiƞksapapi kte, tuwe ki iyuha ċaƞtewaṡteya ob uƞpi kte, nahaƞ taƞyaƞ wauƞspekiya okihi kte.

1 Thessalonians 5:8

Eyaṡ ṫawaċiƞ iwiċaiyojaƞjaƞpi ki heuƞtaƞhaƞpi. Heuƞ ṫablesyahaƞ uƞkʹuƞpi kte na taku wiċauƞlapi na ċaƞteuƞkognakapi ki he taku wahaċaƞka uƞyapi ki he iyeċel uƞgluhapi kte. Taku waƞ ċantekiċ'uƞyaƞ wiċauƞlapi ki he wahaċaƞka sʹe waṗaha uƞyaƞpi kte.

1 Peter 1:13

Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.

2 Peter 1:6

wowaċiƞṫaƞka ki hena uƞ ċaƞtiyuṡkiƞyaƞ Wak̇aƞṫaƞka etkiya ilag niċ'iyiƞ kte,

Titus 2:7

Ohiƞniyaƞ iwiċalaksapiƞ kte. Na taku wiċoḣʹaƞ waṡte ki he ognayaƞ nigluha na ċaƞte kicʹuƞyaƞ wauƞspewiċayakiyiƞ kte.

Titus 1:8

Eṡʹeyaṡ wiċaṡa ṫokec̄api hena taƞyaƞ wiċakuwapi na uƞṡiwiċalapi kte. Na lena iyokipiya eċuƞpi kte. Na naġiksabya uƞpi na owoṫaƞla waokuwapi na Wak̇aƞṫaƞka awaċiƞyaƞ uƞpi, na waċiƞṫaƞgya igluhapi kte.

1 Timothy 3:4

Owaċekiye tipi oiṫaċaƞpi ki hena tiwahe ṫawapi ki hena taƞyaƞ awaƞwiċaglakapi kte, wak̇aƞyeja wiċayuhapi ki hena waoholapi na ataƞsʹela uƞpi kte.

1 Timothy 1:5

Woteḣila waƞ e ḣc̄a ki he yuha piċa ki uƞspewiċayakiyiƞ kte. Na Wak̇aƞṫaƞka ṫawowiċala ki uƞ ṫawaċiƞ ahokiṗa uƞpi kte.

1 Thessalonians 5:6

Uƞmaki iṡtimapi, eyaṡ uƞkiye blihelya kikta uƞkʹuƞpi kte.

Philippians 4:8

Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

Luke 8:35

Le taku ṫokc̄a ki he oyate ki waƞyaƞg ipi, Jesus el hipi yuƞk̇aƞ wiċaṡa ki he nakuƞ waƞyaƞkapi. Wak̇aƞ-ṡic̄a hena iyuha kaṫaƞkal iyayewiċayiƞ na wiċaṡa ki le Jesus najiƞ el makikc̄eya yaƞke. Hayapi kicʹuƞ na ṫawaċiƞ ekic̄iċetu. Lena oyate ki waƞyaƞkapi na lila iyuṡʹiƞyayapi.

Mark 5:15

Oyate ki Jesus el hipi na wiċaṡa waƞ wak̇aƞ ṡic̄a ota ik̇oyaka tk̇a kʹuƞ hel yaƞka ċa waƞyaƞkapi. Taƞyaƞ hakiṫuƞ na tawaċiƞ ki taƞyaƞ iyaye. Wiċaṡa ki k̇okipapi,

1 Timothy 3:8

Owaċekiye tipi waokiyapi ki hena yutaƞyaƞkel opiicʹiya uƞpi kte. Owak̇aƞk̇aƞpi kte ṡni, mniṡa yatkaƞ isamicʹiyapi kte ṡni, nakuƞ mazaska iṡic̄awaċiƞpi kte ṡni.

1 Timothy 1:2

Timothy, wowiċala wak̇aƞ uƞyuhapi ki heuƞ, ċiƞkṡiwiċayapi iyeċel ċaƞtoċignake. Wak̇aƞṫaƞka Ateuƞyaƞpi na Jesus Christ iṫaƞċaƞ ki uƞṡinilapi na taƞyaƞ niyuhapi nuƞwe.

1 Timothy 1:10

Wooṗe ki hena oyate eya ṡikṡilya waiċiḣaḣapi sʹa naiƞṡ wiƞkte iglawapi naiƞṡ wiċaṡa mawiċanupi na wiyoṗewiċayapi sʹa. Na oyate eya owak̇aƞk̇aƞpi sʹa naiƞṡ owayasu el owoṫaƞla woglakapi ṡni hena eċa lena owiċakiċiwapi. Taku heċetu ṡni ki hena yuowoṫaƞlapi kta uƞ lena wouƞspe ki yaƞke.

1 Timothy 1:14

Takuƞni imawaṡte ṡni tk̇a Jesus Christ Iṫaƞċaƞ wowaṡte na wowiċala hena yuha makiye.

1 Timothy 5:1

Wiċaṡa ṫaƞkake ki hena iwiċayaksape ṡni yo. E eye niyate ohoyakila ki he iyeċel ohowiċalayo. K̇oṡkalaka ki hena nisuƞkala iyeċel owiċakuwayo.

Philemon 1:9

Eyaṡ iyeṡ iyotaƞ uƞnilapi ki uƞ leċel waċiṡi kte. Han, waƞji Christ uƞ kaṡka yaƞke ki he,