Titus 2:12 - Lakota Portions

¹² Mak̇a wiċoni el uƞkʹuƞpi eċuƞhaƞ, taku ikc̄eya uƞ uƞnipi kte ki hetaƞ uƞkigluḣlayapi kte, na e wiċoni waṡte na owoṫaƞla ki hena ogna uƞkʹuƞpi kte.

Titus 2:12 Referans Kwoze

2 Peter 2:9

Wak̇aƞṫaƞka ṫaoyate ki woteḣi ohaƞ uƞpi hetaƞhaƞ leċel niwiċakiye ki he wiċakipazo, na oyate eya wowaḣtani waṡtelakapi ki hena tokel wiċakaṡtake ki he nakuƞ waƞyaƞkapi, na wiċayasupi ṡni hehaƞyaƞ leċel akiṗe uƞpi kte.

2 Timothy 3:12

Tuwa Christ Jesus ṫawowic̄ala ki ic̄upi na taƞyaƞ igluha ċiƞpi ki hena, oyate ki wiċakipajiƞpi kte.

Luke 1:75

Heċel mak̇a akaƞl uƞnipi eċuƞhaƞ Wak̇aƞṫaƞka iṫokabya igluonihaƞ uƞkʹuƞpi kte,” eye.

1 Thessalonians 4:7

Wiċaṡaṡniya yauƞpi kta uƞ Wak̇aƞṫaƞka niċaḣniġapi ṡni, tk̇a eyaṡ ƞiyueċetupi kta uƞ ċa hecuƞ.

Titus 3:3

Ehaƞni uƞkiṡ-eya waċiƞuƞṫaƞkapi ṡni waƞ hehaƞ waanauƞġoptaƞpiṡni, wiċaṡaṡniya opiuƞkicʹiyapi, na taku iyeċetuṡni hena kaṡkauƞyuzapi, woiyokipi ec̄ela uƞkolepi. Taku ṡic̄e ki hena uƞkokaḣtaƞpi uƞ ṡilwiyukc̄aƞyaƞ uƞkʹuƞpi. Waoyusiƞkapi ki ogna uƞkigluhapi na tuwe ki iyuha ob iwaḣteuƞkiċilapiṡni.

1 Thessalonians 4:9

Tokel uƞṡiyeċilapi kte ki he uƞkoniċiyakapi kte ṡni, eċiƞ Wak̇aƞṫaƞka le uƞspeniċiyapi,

Ephesians 2:2

Hehaƞ Wak̇aƞṫaƞka oiye iyaċupi ṡni na wak̇aƞ ṡiċa ki ohoyaṗapi. Wak̇aƞ Ṡiċa ki okaḣuwogya omani ki oyate lena ilagwiċaye. He eċa oiye iyacupi tk̇a. Lehuƞniyaƞ Wak̇aƞṫaƞka oiye naḣʹuƞ ċiƞpi ṡni waƞ hena ilagwiċaye.

2 Peter 3:11

Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte.

1 Timothy 6:17

Mak̇a wowijiċa ki oyate eya el uƞpi ki hena iwaktawiċayayo, mak̇a akaƞl wijiliċ'iyapi na itaƞpi ki hena taku iyuha tok̇aṡniyaƞ gnuƞnipi okihipi. Wak̇aƞṫaƞka wiċalawiċaṡiyo, wowijiċe ki hena ṫawa na taku uƞkikaġipi ki hena uƞkʹupi kte heċel wiċoni le el iyuṡkiƞya uƞkʹuƞpi kte.

1 Timothy 4:12

Na niṫeċa ki he uƞ tuweni oiniḣawiċayakiyiƞ kte ṡni. Eyaṡ etaƞ Wak̇aƞṫaƞka wiċalapi ki hena wiċiṫokabya taƞyaƞ nigluha kte, wowiċala na wowauƞṡila ki hena taƞyaƞ eċanuƞ kte.

Ephesians 1:4

Mak̇oċe ki k̄aġe ṡnihaƞni ehaƞni uƞglaḣniġap̄i, heċel Christ uƞk̄iċiċap̄i na uƞwak̇aƞp̄i na uƞwaṡtep̄i ktelo.

Luke 1:6

Nupiƞ Wak̇aƞṫaƞka ṫawooṗe ognayaƞ igluonihaƞ uƞpi.

Jude 1:18

Aƞpetu ehake ki he ik̇iyela ekta oyate eya iṡna awaiċ'ic̄iƞpi na taku wak̇aƞ ki hena wiċalapi kte ṡni, na Wak̇aƞṫaƞka oṡteglapi kte.

2 Timothy 4:10

Demas eċa mak̇a el wowiyutaƞye ki hena waṡtelakiƞ na hena amayuṡtaƞ na Thessalonica oṫuƞwahe takiya iyayelo. Crescens eċa Galatiatakiya iyaye, na Titus iƞṡ Dalmatia takiya iyaye.

1 Timothy 6:9

Huƞḣ isam wijic̄a ċiƞpi hena ṡic̄aya iyaye-icʹiyapi na taƞyela igluṡic̄api.

James 1:27

Tuwa Ate Wak̇aƞṫaƞka iyokipiya ċiƞ haƞtaƞnaṡ wak̇aƞyaƞ igluha kte. Na wableniċa na wiwaziċa ki hena owiċakiyiƞ kte na mak̇a wiċoni el wowiyutaƞ ki hetaƞhaƞ ḣayab igluziƞ kte.]