Titus 1:4 - Lakota Portions

⁴ Titus, wowic̄ala uƞkiṫawa uƞ takuċiye. Wak̇aƞṫaƞka Ateuƞyaƞpi, na Jesus Christ, Wanikiya uƞkiṫawapi ki, wowaṡte, na wowauƞṡila, na wookiye k̇o, nic̄u nuwe.

Titus 1:4 Referans Kwoze

2 Timothy 1:2

Timothy, ċiƞkṡi wiċayapi tewiċaḣilapi ki iyeċel teċiḣila. Wak̇aƞṫaƞka Ateuƞyapi na Jesus Christ Iṫaċaƞ uƞkiṫawapi ki uƞṡinila kte, na niyawaṡte kte, na okablaya uƞniċiyiƞ kte!

Jude 1:3

Mitakuye oyasʹiƞ, Wak̇aƞṫaƞka ṫawowaṡʹake ki tokel uƞkigluhapi ohaƞ ṫaƞiƞ ki he wowapi le el iwowaglaka waċiƞ. Eyaṡ iyeṡ Wak̇aƞṫaƞka ṫawowiċala waƞ ṫaoyate ki wiċakʹu na he yuṫokeċa piċaṡni ki heċa nayeċijiƞpi kta uƞ oċiċiwapi.

2 Peter 1:11

Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!

2 Peter 3:2

Wak̇aƞṫaƞka ṫawahoṡiye ki tuku eya kaketu kta keyapi waƞ hena eċel eċetu. Wak̇aƞ wahoṡiye ki taku eya ehaƞni uƞspeniċiyapi kʹuƞ hena eyaktuƞjapi kte ṡni. Nahaƞ wahoṡiye ki Iṫaƞċaƞ uƞkiṫawapi na Wanikiya oiye kiċ'uƞya iwaho uƞyaƞpi waƞ hena uƞkiksuyapi kte.

2 Peter 2:20

Iṫaƞċaƞ na wanikiya Jesus Christ onaḣ'uƞpi waƞ hehaƞ, mak̇a wotakuniṡni waƞ hetaƞ naiċ'iṡpapi. Eyaṡ taku waƞ etaƞ igluḣlayapi waƞ hetaƞ ake el kiglapi, na he tokel uƞpi tk̇a waƞ he isaƞmya ṡilya uƞpi.

Titus 1:3

Wak̇aƞṫaƞka aƞpetu waƞ kaḣniġe ki hel oyate ki ṫawahokuƞkiye ki onaḣʹuƞwiċawayiƞ kte. Wak̇aƞṫaƞka Niuƞyaƞpi uƞkiṫawapi ki leċel yaoṫaƞiƞ maṡi.

Luke 2:11

Le aƞpetu ki David ṫaoṫuƞwahe ekta Wanikiya ki, Christ Iṫaċaƞ, ṫuƞpelo.

1 Timothy 1:12

Iṫaċaƞ Christ Jesus wopila ewakiye, wowaṡʹake makʹu heċel ṫawowaṡi ki he taƞyaƞ eċamu kta uƞ iwaċiƞmaye ki he ehaƞni slolye.

2 Timothy 1:1

Jesus ṫawahoṡiye ki le Paul miye. Wak̇aƞṫaƞka ṫawahoṡiye heċa makaġe, na he Jesus ċaje ki iyuoḣlogya wiċoni oihaƞke waniċa waƞ yuhapi okohipi ki he makʹu.

2 Timothy 4:10

Demas eċa mak̇a el wowiyutaƞye ki hena waṡtelakiƞ na hena amayuṡtaƞ na Thessalonica oṫuƞwahe takiya iyayelo. Crescens eċa Galatiatakiya iyaye, na Titus iƞṡ Dalmatia takiya iyaye.

Titus 2:13

Wak̇aƞṫaƞka Niuƞyaƞpi ki woiṫuƞṗeya Jesus Christ ogna iyojaƞjaƞicʹiye, ake ku kta waċiƞyekiya aṗe uƞkʹuƞpi.