Titus 1:3 - Lakota Portions

³ Wak̇aƞṫaƞka aƞpetu waƞ kaḣniġe ki hel oyate ki ṫawahokuƞkiye ki onaḣʹuƞwiċawayiƞ kte. Wak̇aƞṫaƞka Niuƞyaƞpi uƞkiṫawapi ki leċel yaoṫaƞiƞ maṡi.

Titus 1:3 Referans Kwoze

1 Timothy 1:11

Heuƞ Wak̇aƞṫaƞka ihaƞkeya waṡte na iṫuƞṗe piċa ki he woṫaƞiƞ waṡte ki le makʹu.

1 Timothy 1:1

Le Paul miye ċa wowapi ki le wakaġe, Wak̇aƞṫaƞka niuƞyaƞpi ṫawowaṡʹake ki uƞ Christ Jesus ṫawahoṡiye heċa makaġe. He waċiƞkiya uƞkaṗepi ki he e.

Titus 2:10

naiƞṡ awiċawamanupi kte ṡni. Taku iyuha owoṫaƞla igluhapi na waċiƞwiċayapi okihipi kta. Heċetu kihaƞ tuwe ki iyuha Wak̇aƞṫaƞka Niuƞyaƞpi eċiyataƞhaƞ wouƞspe ki le yuonihaƞpi kte.

Titus 2:13

Wak̇aƞṫaƞka Niuƞyaƞpi ki woiṫuƞṗeya Jesus Christ ogna iyojaƞjaƞicʹiye, ake ku kta waċiƞyekiya aṗe uƞkʹuƞpi.

1 Timothy 4:10

Wak̇aƞṫaƞka oihaƞke wanilya uƞ ki he waċiƞuƞyaƞpi ki he e, he oyate ki niwiċakiye, iyotaƞḣc̄i etaƞ wiċalapi ki hena. Heuƞ ċa wowaṡi ki le yuha ṡkiƞuƞkicʹiyapi.

1 Timothy 2:3

Leċeḣc̄i waċekiyapi ki he waṡte, na Wak̇aƞṫaƞka Niuƞyapi ki he iyokipi.

1 Thessalonians 2:4

Wak̇aƞṫaƞka Woṫaƞiƞ Waṡte ki taƞyaƞ uƞkoyakapi kta uƞ heċel iwaċiƞuƞyaƞpi. Woglag wauƞyupikapi uƞ oyate ki ṫawaċiƞ ohiwiċauƞyapi kte ki he e ṡni, tk̇a Wak̇aƞṫaƞka eċa iyokipi uƞyapi kta uƞ heċuƞkʹuƞpi.

Ephesians 2:17

Christ hi na oyate ṫokċa yauƞpi ki hena taƞyaƞ yauƞpi kta uƞ wahokuƞniċiyapi, Wak̇aƞṫaƞka iṫehaƞ yauƞpi ki heuƞ, na Jew oyate ki Wak̇aƞṫaƞka ikiyela uƞkʹuƞpi ki hena uƞkiṡʹeya waḣwala uƞkʹuƞpi kte.

Philippians 1:13

Christ ṫaƞtaƞhaƞ uƞ kaṡka make ki he Rome oṫuƞwahe el akiċita eya awaƞmayaƞkapi ki hena ena oma ki nakuƞ taku uƞ makaṡkapi ki he slolyapi.

Luke 1:47

Minaġi ki iyuṡkiƞya Wak̇aƞṫaƞka nimaye ki he blataƞ ye.

Mark 16:15

Hewiċakiye, “Mak̇a ki le ataya iyayapi na tuktel wiċaṡa uƞpi ki hena Wak̇aƞṫaƞka ṫawoksape wak̇aƞ ki lena uƞspewiċakiyapo.

Mark 13:10

Eyaṡ makoċe oihaƞke ṡnihaƞni woṫaiƞ ki le tuwekayeṡ wahokuƞwiċakiyapi ktelo.

Ephesians 1:10

Hehaƞl tohaƞl waiyehaƞtu ki, Wak̇aƞṫaƞka taku eya iyukcaƞ ki hena iyuha eċel iyayiƞ kte, na Christ maḣpiya na mak̇oċe ki yuwaƞjila kte.

Mark 1:15

Jesus hewiċakiye, “Le hehaƞtu kta ṡke kʹuƞ he wana iyehaƞtu welo,” eye, “na Wak̇aƞṫaƞka ṫawokiċuƞze ki wana kiyela yelo. Wowaḣtani etaƞhaƞ igluḣlayapo, na woṫaƞiƞ waṡte ki wic̄alapo!” ewiċakiye.

2 Timothy 4:17

Eyaṡ Wak̇aƞṫaƞka misakibya najiƞ. Na wowaṡʹake makʹu ċa ṫaoiye ki he ojulya oblake, heċel Jewpi ṡni ki hena iƞṡʹeya naḣ'uƞpi kte. Igmu ṫaƞka eya loċiƞpi ki hetaƞhaƞ nimaye.