Titus 1:2 - Lakota Portions

² Heċetu kihaƞ Wak̇aƞṫaƞka wiċoni oihaƞke wanic̄e waƞ iwahowiċaye kʹuƞ he yuhapi kte. Iċiƞ Wak̇aƞṫaƞka ṫaoiye ki tohiƞni gluṡna ṡni.

Titus 1:2 Referans Kwoze

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

Jude 1:21

Wak̇aƞṫaƞka ṫawowauƞṡila ki he gluha manipo, Jesus Christ uƞṡinilapi uƞ wiċoni oihaƞke wanil niċ'upi ṡni hehaƞyaƞ.

2 Timothy 1:1

Jesus ṫawahoṡiye ki le Paul miye. Wak̇aƞṫaƞka ṫawahoṡiye heċa makaġe, na he Jesus ċaje ki iyuoḣlogya wiċoni oihaƞke waniċa waƞ yuhapi okohipi ki he makʹu.

Titus 3:7

Jesus ṫawowauƞṡila ki uƞkikipipiṡni eyaṡ, uƞṡiuƞlapi uƞ he yuhauƞkiyapi. Na Wak̇aƞṫaƞka ṫawauƞkiyapi ċa wiċoni oihaƞke wanic̄a ċa u kte ki he aṗe uƞkʹuƞpi.

Titus 2:13

Wak̇aƞṫaƞka Niuƞyaƞpi ki woiṫuƞṗeya Jesus Christ ogna iyojaƞjaƞicʹiye, ake ku kta waċiƞyekiya aṗe uƞkʹuƞpi.

2 Timothy 2:15

Wak̇aƞṫaƞka etkiya iċ'ic̄'uya wowaṡi eċanu kte, na taku heċetu ki hena iṡteċeṡniyaƞ olakiƞ kte.

2 Timothy 2:13

Na Christ wic̄auƞlapi ṡni eyaṡ iye heċena wic̄aicʹila ktelo, ċiƞ iye taƞyaƞ slolicʹiye heuƞ.”

Titus 2:7

Ohiƞniyaƞ iwiċalaksapiƞ kte. Na taku wiċoḣʹaƞ waṡte ki he ognayaƞ nigluha na ċaƞte kicʹuƞyaƞ wauƞspewiċayakiyiƞ kte.

1 Thessalonians 5:8

Eyaṡ ṫawaċiƞ iwiċaiyojaƞjaƞpi ki heuƞtaƞhaƞpi. Heuƞ ṫablesyahaƞ uƞkʹuƞpi kte na taku wiċauƞlapi na ċaƞteuƞkognakapi ki he taku wahaċaƞka uƞyapi ki he iyeċel uƞgluhapi kte. Taku waƞ ċantekiċ'uƞyaƞ wiċauƞlapi ki he wahaċaƞka sʹe waṗaha uƞyaƞpi kte.

2 Timothy 2:10

Ċa taku keyaṡ makakijiƞ kte, heċel Wak̇aƞṫaƞka ṫaoyate ki Jesus Christ ognayaƞ wowaḣtani etaƞhaƞ woaktuƞje na oihaƞke wanilya wiċoni hena waƞyaƞkapi ktelo.

1 Timothy 6:19

Heċel oagle akaƞl wakaġapi ki he ṫokata waṡagya hiƞ kte, heċel mak̇a akaƞl wiċoni eċuƞhaƞ taku waƞ waṡte eḣċa ki he slolyapi kte.

1 Timothy 6:12

Wowiċala ki le sutaya nayeċijiƞ kte na wiċoni owihaƞke waƞil wowic̄ala ki he ṫawa niglawa kte. Wak̇aƞṫaƞka wiċoḣ'aƞ ki le niċ'u ki he oyaglake na oyate ota naniḣ'uƞpi.

1 Thessalonians 2:15

Oyate eya wiċaṡaṡnipi ċa Iṫaƞċaƞ Jesus ena wiċaṡa wak̇aƞ waayaṫaƞiƞ ki hena wiċaktepi, hena uƞkiṡʹeya kuwa iyauƞyapi. Wak̇aƞṫaƞka taku waeċuƞpi ki hena iyokipi ṡni na tuwe ki iyuha nakuƞ heċetulapi ṡni.

Mark 10:30

hena wiċoni ki lel isam wayuhapi ktelo: Tipi ki ota kte na titakuye ota kte naiƞṡ oblaye ota kte iƞṡ nakuƞ wiċoṫawaċiƞ ṡiċe ki hena nakuƞ. Wiċouƞ waƞ u kte ki lel wiċoni oihaƞke wanica ċa yuha kte.

Mark 10:17

Jesus ake ye ehaƞl wiċaṡa waƞ iyaƞgyaƞg el ihuƞni na iṫokab iḣpeicʹiya na hekiye, “Iṫaƞċaƞ niwaṡte yelo! Tokeṡke eċamu ki wiċoni oihaƞke wanica ki ohiwayiƞ kta hwo?”