Titus 1:11 - Lakota Portions

¹¹ Eyaṡ leċel iċiḣmiya wiyukc̄aƞpi ki hena wiċayuinilapi kte. Mazaska ec̄ela ċiƞpi uƞ tiwahe alataya owiċayujujupi, le heċetu ṡni.

Titus 1:11 Referans Kwoze

2 Timothy 3:6

Lena oyate ki wiċagnayaƞpi wayupikapi, iyotaƞḣci wiƞyaƞ eya naġiwaṡ'akapi ṡni na waḣtanipi sʹa hena wiċayahomnipi.

1 Timothy 6:5

Ṡikṡiċaya ahoyekiċiyapi, ṫawaċiƞ iċetupi ṡni sʹe wiyukcaƞpi uƞ wowiċake ki waƞyaƞkapi okihipi ṡni. Lena oyate kihaƞ woċekiye ki he uƞ igluwijc̄api kta keċiƞpi.

Titus 3:10

Etaƞ woṡic̄api ec̄ela slolyapi hena waƞji naiƞṡ nupa akigle iwahowiċayayiƞ. Hehaƞl awiċaluṡtaƞ kte.

Titus 1:9

Wowahokuƞkiye waƞ uƞspekiyapi ki he sutaya gluha kte, heċel awowahokuƞkiye ki he iƞṡ-eya oyate ki iwaṡtepi kte. Na etaƞ kipajiƞpi ki hena igluwiċak̇api okihipi kte ṡni na iwiċayaksapapi kte.

Titus 1:7

Ok̇olakiċiye wak̇aƞ oiṫaċaƞpi hena Wak̇aƞṫaƞka ṫawowaṡi heċapi, heuƞ taƞyaƞ igluhapi kte na ċaje igluṡic̄api kte ṡni. Oiṫaċaƞċaƞpi kte ṡni naiƞṡ oċaƞzek̇okelapi kte ṡni. Nakuƞ itomniicʹiyapi kte ṡni naiƞṡ iṡiƞkc̄iƞ waokuwapi kte ṡni naiƞṡ mazaska ec̄ela awaċiƞpi kte ṡni.

Luke 20:40

Hehaƞya tuweni isam Jesus wiyuƞġe ṡni.

1 Timothy 5:4

Eyaṡ wiwaziċa eya ċiƞċa yuƞk̇anpi naiƞṡ ṫakojakpakupi ki hena, taku heċetu waƞ he ognaya he awaƞglakapi kte, iƞṡeya awaƞwiċaglake waƞ he iyeċel.

1 Timothy 5:13

Nahaƞ nakuƞ uƞċihipi kte ṡni na e tiiayaza hiyayapi kta aya icʹiyapi kte. Hehaƞl, waaiyapi na wanakiḣʹuƞḣʹuƞkapi kte, taku el iglepi kte ṡni iyeċetu kʹuƞ hena k̇o iwoglakapi kte.

2 Timothy 2:18

Wowiċake ki etaƞhaƞ iḣayabiyayapi, aƞpetu waƞ el wiċuƞtʹe etaƞhaƞ wiċayukinipi kte ki he ehaƞni saƞmiyaye eyapi. Le heċetu ṡni, na etaƞ wiċalapi waƞ hena ṫawowiċalapi ki owiċayuijinapi.