Philippians 4:8 - Lakota Portions

⁸ Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

Philippians 4:8 Referans Kwoze

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

Titus 2:7

Ohiƞniyaƞ iwiċalaksapiƞ kte. Na taku wiċoḣʹaƞ waṡte ki he ognayaƞ nigluha na ċaƞte kicʹuƞyaƞ wauƞspewiċayakiyiƞ kte.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Timothy 4:12

Na niṫeċa ki he uƞ tuweni oiniḣawiċayakiyiƞ kte ṡni. Eyaṡ etaƞ Wak̇aƞṫaƞka wiċalapi ki hena wiċiṫokabya taƞyaƞ nigluha kte, wowiċala na wowauƞṡila ki hena taƞyaƞ eċanuƞ kte.

Ephesians 5:9

Le oyate ki ṫawaċiƞ iyoyambwiċayapi ki uƞ taku waṡte na heċetu ki hena iċuƞpi kte

Titus 1:8

Eṡʹeyaṡ wiċaṡa ṫokec̄api hena taƞyaƞ wiċakuwapi na uƞṡiwiċalapi kte. Na lena iyokipiya eċuƞpi kte. Na naġiksabya uƞpi na owoṫaƞla waokuwapi na Wak̇aƞṫaƞka awaċiƞyaƞ uƞpi, na waċiƞṫaƞgya igluhapi kte.

1 Peter 1:22

Taku heċetu ki he wiċayalapi, na heuƞ naġi niyawaṡtepi. Ċa he uƞ ċaƞte etaƞhaƞ tekiċiḣila yauƞpi. Na heċel yauƞpi ki waṡte kte.

Titus 3:14

Crete el Iṫaċaƞ wic̄alapi hena iƞṡ-eya taku waṡte eċuƞ pic̄a hena wilagicʹiyapi kta iyeċetu.

James 1:27

Tuwa Ate Wak̇aƞṫaƞka iyokipiya ċiƞ haƞtaƞnaṡ wak̇aƞyaƞ igluha kte. Na wableniċa na wiwaziċa ki hena owiċakiyiƞ kte na mak̇a wiċoni el wowiyutaƞ ki hetaƞhaƞ ḣayab igluziƞ kte.]

Titus 2:2

Wiċaṡa ki hena waḣwayela opiicʹiyapi kte, blesyahaƞ ċaƞte kicʹuƞyaƞ uƞpi kte na itomni icʹiyapi kte ṡni. Wowic̄ala na wowauƞṡila na wowaċiƞye ki hena waṡʹagya gluhapi kte

1 Peter 4:8

Taku waƞ ihaƞkeya yawapi ki he, tuwe ki iyuha ċaƞteowiċagnakiƞ kte, iċiƞ wowauƞṡila ki he tuwe taku waṡte kʹeya naokpaniya najiƞ kʹuƞ hena waƞyaƞke ṡni.

Titus 2:14

He uƞkiyepi uƞ icʹicʹu heċel taku ṡic̄aya iyopte ki hetaƞhaƞ yuḣeyab uƞkic̄upi ċiƞ ki heuƞ. Wak̇aƞṫaƞka ṫaoyate heuƞċapi heuƞ ċaƞte kicʹuƞyaƞ ni uƞkʹuƞpi kta.

Philippians 3:1

Mitakuyepi, ehakela leṗa waċiƞ, Wak̇aƞṫaƞka niyuhapi ki heuƞ iyokipiiċ'iyapo. Ehaƞni wowapi waƞ leċel c̄iċiċaġapi eyaṡ ake piya eṗiƞ kte ki he tok̇a ṡni. Eċiƞ lena woiyaksape iniwaṡtepi kte.

1 Timothy 2:2

Wiċaṡa wiċayataƞpi na tuwa wowaṡʹake yuhapi ki hena, waċewiċauƞkic̄iċiyapi kte, heċel Wak̇aƞṫaƞka iṫokab yuonihaƞ ċekiya na waḣwayela uƞkʹuƞpi kte.

1 Timothy 5:10

Nakuƞ taku ota waṡte-ṡteya eċuƞ kʹuƞ hena uƞ oċaṡṫuƞyaƞ uƞ kte, na wak̇aƞyeja taƞyaƞ iċaḣwiċakiyiƞ kte, na tiole omanipi ki hena wowiċakʹu kte, uƞṡiicʹiya waokiyiƞ kte, Wak̇aƞṫaƞka wic̄alapi ki hena ṫatiopa ki ohiƞniyaƞ yuġaƞwiċakihiƞ kte, ohiƞniyaƞ takuƞl waṡte ċa oyate ki eċawiċakic̄iċuƞ kta ole kte.

Ephesians 6:14

Ohiniyaƞ igluwiƞyeya uƞwo, wowiċake ki he ipiyakakiya uƞwo, na Wak̇aƞṫaƞka taku owoṫaƞlaye kʹuƞ he uƞ awaƞniyaƞkiƞ kte.

1 Thessalonians 4:12

Heċel oyate eya Iṫaƞċaƞ Jesus ihakab uƞpi ki hena niyuonihaƞpi kte, na tuweni takuni iwaċiƞyaƞyiƞ kte ṡni.

Ephesians 4:25

Ok̇olakiċiye-wak̇aƞ ki he uƞwaƞjipi. Kiċignayaƞpi ṡni na okiċiwak̇aƞk̇aƞpi ṡni yo.

Luke 2:25

Wahehaƞlya nakuƞ Jerusalem el wiċaṡa waṡte waƞ Simeon ec̄iyapi ċa uƞ. Le Wak̇aƞṫaƞka yuonihaƞ na Israel yueċetupi kta aṗe uƞ. Woniya-Wak̇aƞ ki kiċi uƞ

Mark 6:20

Herod John kok̇ipe. John wiċaṡa waṡte na wak̇aƞ ċa slolye, ho ċa owoṫaƞla awaƞyaƞke. Anaġoptaƞ waṡtelake, naḣʹuƞ ċaƞna ohiƞniyaƞ lila iyokipi ṡni keyaṡ.

Luke 16:15

Eyaṡ Jesus leċel owiċakiyake: Taku ṫokahekiyapi ki hena Wak̇aƞṫaƞka waƞyaƞke na hena takuni ṡniye.

1 Timothy 5:2

Na wiƞyaƞ ṫaƞkake ki hena nakuƞ nihuƞ ohoyakiṗe ki he iyeċel owiċakuwayo. Wik̇oṡkalaka ki hena niṫaƞke ohoyakila ki he iyeċel ohowiċalayo.

Luke 23:50

Wiċaṡa waƞ Joseph ec̄iyapi ċa Judah mak̇oċe el Arimathea oṫuƞwahe etaƞhaƞ. Wiċaṡa waṡte ki le taƞyaƞ waeċuƞpi ċiƞ. Aƞpetu waƞji oyate ki iyuha Wak̇aƞṫaƞka yuwaƞka yuzapi kte ki he eċa aṗe uƞ. Jew oiṫaċaƞ yaƞkapi waƞ he oṗa eyaṡ Jesus ktepi kta yuṡtaƞpi hehaƞ heċetulake ṡni.

1 Timothy 3:4

Owaċekiye tipi oiṫaċaƞpi ki hena tiwahe ṫawapi ki hena taƞyaƞ awaƞwiċaglakapi kte, wak̇aƞyeja wiċayuhapi ki hena waoholapi na ataƞsʹela uƞpi kte.

1 Timothy 3:11

Wiƞyaƞ ki iƞṡʹeya yutaƞyaƞkel opiicʹiyapi kte. Waaiyapi kte ṡni naiƞṡ mniṡa yatkaƞ isamicʹiyapi kte ṡni, taku eċuƞpi ki hena iyuha waċiƞyekiya eċuƞpi kte.

2 Peter 3:1

Mitakuyepi, bliheliċ'iyapi waċiƞ uƞ wowapi iċinuƞpa ki le wakaġe, lena taƞyaƞ awilukc̄aƞpi kte na eyaktuƞjapi waċiƞ ṡni.