Philippians 4:6 - Lakota Portions

⁶ T̄ak̄uni iċaƞt̄e-ṡic̄ap̄i ṡni eyaṡ Wak̇aƞṫaƞk̄a t̄ak̄u uƞ niyauƞp̄i kte ki hena ċaƞt̄e-waṡteya ċek̄iyap̄o.

Philippians 4:6 Referans Kwoze

1 Peter 5:7

*Wak̇aƞṫaƞka uƞṡinila, ċa heuƞ taku iċaƞniṡike ki hena iyuha aiḣpeyayo.

Ephesians 6:18

Ohiƞiyaƞ waċekiya uƞpo, iyotaƞḣci oyate ki wiċakiksuyapo. Woniya Wak̇aƞ ki uƞspeniċiyapi ogna waċekiyapo. Wak̇aƞṫaƞka ṫaoyate ki waċewiċakikċiyapi na waktaya opiiċ'iyapo.

Luke 18:1

Jesus ihakab-uƞpi ki hena ohiƞniyaƞ waċekiya uƞpi na waċiƞṫaƞgya uƞpi kte ki heuƞ wiyaċiƞpi waƞ owiċakiyake.

Luke 12:22

Hehaƞl ihakab-uƞpi ki hewiċakiye, “Lena uƞ ċa heċic̄iyapi, woyute na hayapi ki hena inaġiyeicʹiyapi ṡni yo.

Ephesians 5:20

Jesus Christ ċaje ki uƞ ohiƞniya Wak̇aƞṫaƞka taku yuha niċiyapi ki hena wopila eyakiyapi kte.

Luke 10:41

Jesus leċel ayupte, “Martha, taku ota inaġinicʹiyiƞ na iyaglenicʹiye.

Luke 18:7

Wak̇aƞṫaƞka aƞpetu iyohila ċekiyapi haƞtaƞṡ nawiċaḣʹuƞ na owiċakiyiƞ kte.

Luke 12:29

“Taku yatapi na latkaƞpi kte ki hena ikaġiicʹiyapi ṡni yo.

1 Peter 4:7

Eċaƞni taku ki iyuha ihaƞkiƞ kte. Heuƞ iḣapiċa ṡniyaƞ yauƞpi na waċiƞṫuƞgya waċeyakiyapi kte.

1 Timothy 2:1

Ṫokaheya leṗiƞ kte, tuwe ki iyuha woċekiye uƞ wiċayeksuyapi kta iwaċiƞċiyapi. Wak̇aƞṫaƞka lena iyuha wiċayawaṡte na owiċakiyiƞ kta. Tuwe ki iyuha wopila uƞ wiċayeksuyapi ki he Wak̇aƞṫaƞka oyakiyakapi kte.

1 Timothy 5:5

Wiƞyaƞ waƞ wiwaziċaḣce ki he tuweni waċiƞye okihi ṡni. Wak̇aƞṫaƞka aƞpetu na haƞhepi iyohila cekikiyiƞ na waċiƞyeye ki he oglake.