Philippians 4:5 - Lakota Portions

⁵ T̄uwe ki iyuha waḣwayela owiċakuwap̄o. Iṫaċaƞ ki eċani k̄u ktelo.

Philippians 4:5 Referans Kwoze

Titus 3:2

Tuweni wiċayaṡic̄api kte ṡni. Ahoyekiċiyapi kte ṡni. Tuwe ki iyuha ob taƞyaƞ uƞpi kte na waḣwayela opiicʹiyapi kte.

1 Peter 4:7

Eċaƞni taku ki iyuha ihaƞkiƞ kte. Heuƞ iḣapiċa ṡniyaƞ yauƞpi na waċiƞṫuƞgya waċeyakiyapi kte.

1 Peter 1:11

Christ ṫaoniye ki he slolyapi na tokel Christ woteḣi waƞ waƞyaƞkiƞ na tʹiƞ kte hehaƞl woyuonihaƞ ṫaƞka waƞ kʹupi kte ki he ableswiċakiyake.

2 Thessalonians 2:2

oyate eya ikc̄ekc̄eya woglakapi na Iṫaƞċaƞ Jesus ehaƞni hi kʹeya oyate ki wiċayuwijina waċiƞpi ki hena anawiċaġoptaƞpi ṡni yo. Waeyapi ki hena Woniya Wak̇aƞ ki ableswiċaya keyapi kte, naƞiƞṡ tuwe waƞ etaƞ naḣ'uƞpi keyapi kte, naƞiƞṡ wowapi eya uƞkaġapi kʹuƞ he waƞji etaƞ yawapi keyapi kte.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.