Philippians 4:1 - Lakota Portions

¹ Mitakuyepi, teċiḣilapi uƞ waċiƞyaƞkapi waċiƞ. Iṫaƞċaƞ uƞyaƞpi ki ohiƞniyaƞ waċiƞyaƞ uƞpo. Lila iċiyuṡkiƞpelo.

Philippians 4:1 Referans Kwoze

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

Philippians 2:16

Woṫaƞiƞ waṡte ki uƞ wiċoni kte ki he sutaya gluha nayajiƞ kte. Heċel tohaƞl Christ ake gli kihaƞ, iċiyuṡkiƞpi kte. Nakuƞ wowaṡi waƞ teḣiya gluha wauƞ kʹuƞ he iyatakuƞniṡni ki heuƞ.

Philippians 1:8

Tohaƞyaƞ waƞċiƞyaƞkapi waċiƞ ki he Wak̇aƞṫaƞka slolye. Christ Jesus ċaƞtonignakapi ki he iyeċel uƞṡicilapi.

2 Timothy 2:1

Heuƞ etaƞhaƞ, ċiƞkṡiwiċayapi ki iyeċel teċiḣila, Christ Jesus ṫawowaṡte ki uƞ waṡʹagniyiƞ kte.

Philippians 2:26

He waniyaƞkapi ċiƞ. He wayazaƞka keya onayaḣ'uƞpi ki he naḣ'uƞ na inihaƞiċ'iye.

2 Peter 3:17

Mitakuyepi, taku heċetu kte ki hena kaiṫokabya iwahoniyapi! Heuƞ oyate eya wiċaṡa ṡniya opiiċ'iyapi ki hena iċiḣmiyaƞ aniyewiċakiyapi ṡni yo na niyaijena wiċakiyapi ṡni yo.

2 Thessalonians 2:15

Mitakuyepi, leuƞċa taku eya woiye naƞiƞṡ wowapi ogna uƞspeuƞniċiyapi kʹuƞ hena ahoyekiṗapi kte na waċiƞyekiya yauƞpi kte.

1 Thessalonians 3:13

Na tohaƞl Iṫaƞċaƞ Jesus ṫaoyate ki ob ku ki haƞ, Ate Wak̇aƞṫaƞka niṫawaċiƞpi ki niyuwak̇aƞpi kta iċel hoyewakiye.