Philippians 3:2 - Lakota Portions

² Oyate eya takuƞni itok̇api ṡni sʹe niuƞpi hena etaƞ iwaktaya opii'ċiyapo. Wiċaṡa oḣ'aƞ ṡiċapi na taku siċa eċaniċiuƞ ċiƞpi na wanihuƞhuƞpi kte.

Philippians 3:2 Referans Kwoze

Titus 1:16

Oyate ki hena Wak̇aƞṫaƞka slolyapi keyapi, eyaṡ tokel ṫawiċoḣʹaƞ na tokel woglakapi ki hena iċiṫogya igluhapi. Lila ṡic̄api. Wak̇aƞṫaƞka oiye ic̄upi ṡni na takuni ikipipi ṡni yelo.

Philippians 3:19

hena tuktel wiċotakuƞni ṡni waƞ yaƞka ċa ekta yapi. Iyeawaiċ'iyukc̄aƞpi na taku imnaiċ'iyapi kte ki hena eċela olepi. Mak̇a el wotakuƞni ṡni ki hena eċela awaiyukc̄aƞ uƞpi.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

1 Timothy 1:19

Wowiċala luha ki he ena nakuƞ naġiksabya yauƞ kte. Oyate eya huƞḣ wowiċala ṫawapi ki iglaijenapi, naġiksapapi ṡni ki heuƞ.

Philippians 3:3

Eyaṡ uƞkiyepi ċa wak̇aƞyaƞ ċeḣpi wawiċaksapi woeċuƞ ki he uƞkʹupi, eċiƞ Woniya Wak̇aƞ ki iyoḣlogya Wak̇aƞṫaƞka ċeuƞkiyapi na Christ Jesus uƞyuonihaƞpi. Na taku eċuƞkʹuƞpi ki hena uƞ uƞkiglataƞtaƞpi kte ṡni,

2 Peter 2:22

* Taku heċetu ki he tokel waeyapi waƞ yaƞke kʹuƞ he heċetu, " Ṡuƞka waƞ taku iglepe ki he el gli na glute na kukuṡe waƞ yujajapi kʹeyaṡ ake ḣliḣlila el iċaptaƞptaƞ kiċuƞ kte."