Philippians 3:19 - Lakota Portions

¹⁹ hena tuktel wiċotakuƞni ṡni waƞ yaƞka ċa ekta yapi. Iyeawaiċ'iyukc̄aƞpi na taku imnaiċ'iyapi kte ki hena eċela olepi. Mak̇a el wotakuƞni ṡni ki hena eċela awaiyukc̄aƞ uƞpi.

Philippians 3:19 Referans Kwoze

2 Peter 2:3

Iṡiwaċiƞpi na ċoyaiya wayupikapi ki uƞ oyate ki wiċagnayaƞpi kte. Eyaṡ Wak̇aƞṫaƞka ehaƞni hena tokel wiċakaṡtakiƞ kte ki he ogna egle, na Wak̇aƞṫaƞka igluwinyeyauƞ.

2 Peter 2:1

Ehaƞni watohaƞlya Wahoṡiyakuƞzapi eya Israel oyate ki wowiċakiyapi. Wauƞspekiyakuƞzapi ki hena nakuƞ naḣma ahi na uƞṫuƞniyaƞpi kta uƞ owak̇aƞk̇aƞ woglakapi kte. Eyaṡ wauƞspewiċakiyapi ki lena Iṫaƞċaƞ ihaƞkiya uƞṡiwiċala kʹuƞ he ektuƞjapi, na he kiċiċapi ṡni, na hena yulena sʹe ihaƞgiċ'iyapi kte.

2 Peter 2:13

Taku ṡiċa eċuƞpi ki hena uƞ wiċakiċiċajujupi kte. Aƞpa eċuƞhaƞ gnaṡkiƞyaƞ sʹe kiċiċopi na iċiḣmaya waeċuƞpi ki he oiyokipi keċiƞpi. Wiċowiċaṡaṡniya opiiċ'iyapi, waiḣpeyapi woeċuƞ ki he el niohaƞ uƞpi, woiṡteċe ṡniya uƞpi ki hena woyuonihaƞ uƞ wiċawote ki he yaṡiċapi.

Jude 1:16

Oyate ki lena oiyahaƞpi na taku iyuha el iglepi na tokċiƞyaƞ igluhapi. Taku ċiƞpi uƞ iglaonihaƞpi na oyate ki wiċayuonihaƞ kuƞzaƞpi.

2 Timothy 3:4

Wiċaṡaṡniya igluhapi kte, na tokċiƞkċiƞyaƞ uƞpi kte, na wowitaƞ uƞ igluwaƞkal igluzapi kte. Wak̇aƞṫaƞka oholapi kte ṡni na e eyaṡ woiyokipi ki he waṡtelakapi kte.

1 Timothy 6:5

Ṡikṡiċaya ahoyekiċiyapi, ṫawaċiƞ iċetupi ṡni sʹe wiyukcaƞpi uƞ wowiċake ki waƞyaƞkapi okihipi ṡni. Lena oyate kihaƞ woċekiye ki he uƞ igluwijc̄api kta keċiƞpi.

2 Thessalonians 2:12

Oyate eya heċel iċ'iċaġapi ki hena iyuha wiċakaṡtakapi kte, iċiƞ taku ṡiċe ki hena e eċuƞċiƞpi na wowiċake ki he wiċalapi ṡni.

Philippians 2:21

Huƞḣ iye ecela awaiċ'iċiƞpi na taku Christ Jesus iċiyataƞhaƞ ki hena itok̇api ṡni.

James 4:16

Nasula waniċapi sʹe itaƞyaƞ waehapelo, na waḣaƞiċ'ilapi ki he heċetu ṡniyelo.

2 Thessalonians 2:8

Hehaƞl taƞiƞiċ'iyiƞ kte, eyaṡ Iṫaƞċaƞ Jesus ṫaoniye eċela uƞ atayela kte iḣṗeyiƞ kte. Wak̇aƞṫaƞka okiṫaƞiƞyaƞ wak̇aƞ ṡiċa ki yutakuƞni ṡniya ihaƞgyiƞ kte.

Luke 18:4

Owatohaƞ, wayasu-wiċaṡa ki wic̄ala ṡni eyaṡ haƞkeya leċel aicʹibleze, ‘Wak̇aƞṫaƞka wic̄awala ṡni naiƞṡ oyate ki uƞṡiwiċawala ṡni,

Luke 16:19

Wiċaṡa wijic̄a waƞ hayapi oteḣika uƞ na aƞpetu iyohila woyute waṡteṡte yute.

Luke 12:19

Na leċami kte, “Woyute na woyuha ota wopiye yegnake ki he waniyetu ota ikipiya yaƞke, iṫo asnikiyiƞ na wota yo. Na wayatkiƞ na iyuṡkiƞicʹiya yo,” eṗe.’

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

2 Thessalonians 1:9

Etaƞ iyoṗewiċaye ki hena owihaƞke wanilya uƞ ihaƞgwiċayiƞ kte, na hena Iṫaƞċaƞ Jesus ṫawowitaƞ waƞ iṫuƞṗepi ċa ki hetaƞhan ḣayab owiċayuspapi kte.

Jude 1:10

Eyaṡ oyate ki lena taku okaḣniġapi ṡni hena iyuha oṡteglapi. Witkoya wiyukc̄aƞpi uƞ ihaƞgiċ'iyapi, iċiƞ taku waƞyaƞkapi okihipi ki hena uƞ eċela nipi.