Philippians 3:12 - Lakota Portions

¹² Woyuṡtaƞ waƞ miċihaƞ ċa awaċami eyaṡ nahaƞḣc̄i iwahuƞni ṡni, . Eyaṡ Christ napimayuze. Ċa iyaƞkapi akiċiyapi el ohaƞ heċena iyotiyekiya wauƞ, taku waƞ ihaƞkeya waṡte ki he ohiwaya waċiƞ ki heuƞ.

Philippians 3:12 Referans Kwoze

Ephesians 1:4

Mak̇oċe ki k̄aġe ṡnihaƞni ehaƞni uƞglaḣniġap̄i, heċel Christ uƞk̄iċiċap̄i na uƞwak̇aƞp̄i na uƞwaṡtep̄i ktelo.

Philippians 3:16

Eyaṡ oaye ki hetaƞ kawiƞġe ṡni uƞyaƞpi kte.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!

James 3:2

Iyuha taku ota uƞgluṡnapi. Eyaṡ tokel woyaglake ki he awaƞyaƞglaka oyakihi haƞtaṡ, ṫaƞkakel wilukc̄aƞ na oniċ'igluspa oyakihi kte.

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

2 Thessalonians 2:13

Mitakuyepi, Iṫaƞċaƞ Jesus uƞṡinilapi na ċaƞtonignakapi, heċetu ki heuƞ niyepi uƞ Wak̇aƞṫaƞka wopila uƞkʹupi. Wak̇aƞṫaƞka niye ṫokaheya wookiye iyaċupi kta ċa niċaḣnigapi. Ṫaoniye ki uƞ niyuwak̇aƞpi, na wowiċake ki he wiċayalapi.

Ephesians 4:12

heċel ṫaoyate ki [ taƞyaƞ wowaṡi iċuƞpi kte, na ok̇olakiye wak̇aƞ ki waṡʹagya wiċiċaġiƞ kte.] {ṫawaċiƞ waṡʹakapi kte na taƞyaƞ Christ yuonihaƞpi ktelo.}

1 Thessalonians 5:15

Oyate ki waḣtenilapi ṡni ki heuƞ niṡʹeya heċel ċaƞte wiċaluzapi kte ṡni. Eṡʹeyaṡ, ċaƞte waṡteya opiniċ'iyapi na tuwe ki iyuha ob taƞyaƞ yauƞpi kte.

1 Timothy 6:19

Heċel oagle akaƞl wakaġapi ki he ṫokata waṡagya hiƞ kte, heċel mak̇a akaƞl wiċoni eċuƞhaƞ taku waƞ waṡte eḣċa ki he slolyapi kte.

1 Timothy 5:10

Nakuƞ taku ota waṡte-ṡteya eċuƞ kʹuƞ hena uƞ oċaṡṫuƞyaƞ uƞ kte, na wak̇aƞyeja taƞyaƞ iċaḣwiċakiyiƞ kte, na tiole omanipi ki hena wowiċakʹu kte, uƞṡiicʹiya waokiyiƞ kte, Wak̇aƞṫaƞka wic̄alapi ki hena ṫatiopa ki ohiƞniyaƞ yuġaƞwiċakihiƞ kte, ohiƞniyaƞ takuƞl waṡte ċa oyate ki eċawiċakic̄iċuƞ kta ole kte.

Philippians 1:1

Paul lemiye, na Timothy kiċi wowapi ki le hiyuuƞniċiyapi, Christ Jesus ṫawowaṡi heuƞċapi. Wak̇aƞṫaƞka ṫaoyate eya Philippi el uƞpi ki hena ena tipi wak̇aƞ oiṫaƞċaƞpi ki ena tipi wak̇aƞ el waokiyapi ki hena.

Philippians 3:3

Eyaṡ uƞkiyepi ċa wak̇aƞyaƞ ċeḣpi wawiċaksapi woeċuƞ ki he uƞkʹupi, eċiƞ Woniya Wak̇aƞ ki iyoḣlogya Wak̇aƞṫaƞka ċeuƞkiyapi na Christ Jesus uƞyuonihaƞpi. Na taku eċuƞkʹuƞpi ki hena uƞ uƞkiglataƞtaƞpi kte ṡni,

Philippians 3:8

Christ Jesus Iṫaƞċaƞ ki slolyapi ki he eċela waṡte. Taku wiċawala tk̇a waƞ hena iyuha abluṡtaƞ na hehaƞya takuƞni waye ṡni. Heċel Christ kiċi ṫaoye ogna mawani kte