Philippians 2:15 - Lakota Portions

¹⁵ Heċetu ki wak̇aƞyeja iyeċel wotiyemnaṡni yauƞpi kte, na tiwahe uƞṡikiċilapi ki he iyeċel Wak̇aƞṫaƞka niyuhapi kte. Oyate eya owoṫaƞlapi ṡni na ṡikṡilya uƞpi ċa ohaƞ yauƞ eṡa oiyokpaze el iyojaƞjaƞya nigluha kte.

Philippians 2:15 Referans Kwoze

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Thessalonians 5:23

Wak̇aƞṫaƞka waƞ wolakota oyate ki ċiƞwiċakiye ki he woohola niċ'u kta. Na Iṫaƞċaƞ Jesus Christ gli ṡni hehaƞyaƞ, ninaġi ki, ena niṫaċaƞ ki wozaƞni niċ'u kte.

2 Peter 3:14

Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte.

Titus 2:10

naiƞṡ awiċawamanupi kte ṡni. Taku iyuha owoṫaƞla igluhapi na waċiƞwiċayapi okihipi kta. Heċetu kihaƞ tuwe ki iyuha Wak̇aƞṫaƞka Niuƞyaƞpi eċiyataƞhaƞ wouƞspe ki le yuonihaƞpi kte.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

1 Timothy 3:10

Hena iye ṫokaheya igluwiċak̇api kte. Hehaƞl tuweni takuni ṡiċa wiċakipajiƞpi ṡni haƞtaƞṡ, hehaƞl oiṫaċaƞ wiċakaġapi kte.

1 Timothy 3:2

Heuƞ oiṫaċaƞpi hena taƞyaƞ awaƞiglakapi na wokiċiyuze ki he ahokiṗa uƞpi kte. Waċiƞṫaƞkapi na waċiƞksapapi kte, tuwe ki iyuha ċaƞtewaṡteya ob uƞpi kte, nahaƞ taƞyaƞ wauƞspekiya okihi kte.

Philippians 1:10

Ċa ċaƞku luta ki ognayaƞ lapi kte. Heċel aƞpetu waƞ el Christ gli ki, takuni ṡic̄a yakʹiƞpi kte ṡni yelo.

Ephesians 5:27

Taku uƞ leċuƞ ki he ok̇olakiċiye wak̇aƞ ki he Christ iye ċa iċ'iċe, heċel taku ki iyuha wak̇aƞya iyaƞkiƞ kte.

Titus 2:15

Lena uƞ wahokuƞwiċayakiyiƞ kte na niṫawowaṡʹake uƞ laoṫaƞiƞ kte. Oyate ohaƞ taƞyaƞ yauƞ haƞtaƞṡ iƞṡ-eya ahoniṗapi kte.

Titus 1:6

Wiċaṡa eya oiṫaċaƞpi kta wiċayakaḣniġe ki hena taƞyaƞ igluhapi kte na kiċiyuzapi ki he ahokiṗapi kte. Ċiƞc̄a ki hena iƞṡ-eya Iṫaċaƞ Jesus wic̄alapi na ihakab uƞpi kte. Na wanaḣʹuƞpi kte, heċel takuni ṡic̄a awiċayauƞpapi okihipi kte ṡni.

1 Timothy 5:20

Eyaṡ oiṫaċaƞpi ki etaƞ iniyaƞṡni huƞḣ waḣtanipi haƞtaƞhaƞṡ, oyate wiċiṫokabya iyoṗewiċayayapi kte, heċel lena taku heċetu ṡni ki hena tuwe ki iyuha slolyapi kte.

Luke 6:35

Ṫokaniyapi hena ċaƞteowiċagnakapo. Taku owiċayakʹupi hena hektakiya wakiktapi ṡni yo. Heċel wokaiju ṫaƞka luhapi ktelo, heċel Wak̇aƞṫaƞka ṫaoyate heniċapi ktelo. Eċiƞ Wak̇aƞṫaƞka oyate eya wauƞṡilapi ṡni na wopila yuhapi ṡni eyaṡ uƞṡiwiċalake.

1 Timothy 5:14

Tokel ibluċaƞ ki he wiwaziċa eya nahaƞḣci ṫeċapi ki hena iyeṡ ake hiƞgnaṫuƞpi ki waṡte kte, na wak̇aƞyeja wiċayuhapi kte, na tiwahe awaƞwiċaglakapi kte. Heċel etan ṡilya uƞkawiyukcaƞpi kʹuƞ hena heċuƞpi okihipi kte ṡni.

1 Timothy 5:7

Wokaḣniġe ki lena tuwe ki iyuha owiċayakiyakiƞ kte, heċel tuweni takuni el uƞ wowiyauƞpa iyeyapi okihipi kte ṡni.

Luke 1:6

Nupiƞ Wak̇aƞṫaƞka ṫawooṗe ognayaƞ igluonihaƞ uƞpi.

Philippians 3:6

Na heuƞ lila miglawa ki uƞ ok̇olakiċiye wak̇aƞ ki iyotiyekiye wiċawakiye. Wak̇aƞṫaƞka tokel owakaḣniġe ki he iyeċel taku wooṗe el owapi ki hena iyuha eċel eċamuƞ.