Philippians 2:12 - Lakota Portions

¹² Mitakuyepi, niohaƞ wauƞ waƞ hehaƞ ohiƞniyaƞ taku oċiċiyakapi ki hena ahoyaṗapi. Eyaṡ waƞna niṫehaƞ wauƞ eṡa lena woyaksape ki tok̇a lawapi kte. Ċa wowiċala luhapi ki he taƞyaƞ ahokiṗaya wowaṡi eċuƞpo.

Philippians 2:12 Referans Kwoze

1 Peter 2:11

Mitakuyepi, ċaƞte etaƞhaƞ woċiċiyakapi kta ċa taƞyaƞ anamaġoptaƞpo. Lel oyate ṫokc̄a heniċapi. Ċa taku waṡte ṡni eya niyuhuƞkapi ṡni ki hena etaƞ iḣeyab eċuƞpo.

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!

2 Timothy 2:10

Ċa taku keyaṡ makakijiƞ kte, heċel Wak̇aƞṫaƞka ṫaoyate ki Jesus Christ ognayaƞ wowaḣtani etaƞhaƞ woaktuƞje na oihaƞke wanilya wiċoni hena waƞyaƞkapi ktelo.

Philippians 4:1

Mitakuyepi, teċiḣilapi uƞ waċiƞyaƞkapi waċiƞ. Iṫaƞċaƞ uƞyaƞpi ki ohiƞniyaƞ waċiƞyaƞ uƞpo. Lila iċiyuṡkiƞpelo.

1 Thessalonians 1:3

Wowiċala niṫawa ki yuhohopiċa ṡni ki he, na wauƞṡilaya wowaṡi eċanuƞ ki hena, Ate Wak̇aƞṫaƞka uƞkokiyakapi.

Philippians 1:29

Christ ṫa wowiċala ki luha uƞ woteḣi waƞlake. Tk̇a he uƞ niyawaṡte.

Ephesians 6:5

Wowaṡi niyuhapi ki hena taƞyaƞ anawiċaġoptaƞpo. Christ ċaƞte waṡteya wowaṡi ec̄ayeċiċuƞpi ki he iyeċel wowaṡi waeċakic̄iċuƞpo.

Philippians 1:5

Woṫaiƞ Waṡte ki he aƞpetu waƞ el ṫokahe nayaḣ'uƞpi ki hetaƞhaƞ na aƞpetu lehaƞyaƞ yuowaƞċaya yaoṫaƞiƞpi ki he oniṗapi ki heuƞ.

Philippians 2:19

Niye eċiyataƞhaƞ takuƞl waṡte uƞ onaċiḣ'uƞpi waċin. Heuƞ eċaƞni Timothy hiyuwayiƞ kte ki he Iṫaƞċaƞ Jesus iwaċiƞwaye.

Philippians 4:15

Philippi el ok̇olakiċiye yauƞpi ki yeksuyapi, Macedonia etaƞhaƞ iblable waƞ hehaƞ, ṫokaheya woṫaiƞ waṡte ki uƞkoyapi waƞ hehaƞ, ok̇olakiċiye-wak̇aƞ eya uƞpi kʹuƞ hetaƞ niṡnala mayalawaṡtepi na niṡʹeya niyawaṡtepi.

Philippians 1:6

Wak̇aƞṫaƞka taku waƞ waṡte ċa uƞ ilag niċ'iyapi ki he heċel kaġe, na Christ Jesus gli ṡni hehaƞyaƞ wowaṡi ki he gluhalapi kte.