Philippians 1:27 - Lakota Portions

²⁷ Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

Philippians 1:27 Referans Kwoze

Ephesians 4:1

Ċaƞkelak̇a, Iṫaċaƞ ki iċ'iċ'uya ihakab uƞ waƞhe eċa ake ċekiya waec̄uƞċiṡipi kte, wiċoni niṫawapi ki uƞ wowaṡi waƞ ihaƞkeya waṡte ki he el niċ'iċ'upi kte,

2 Peter 3:14

Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte.

Jude 1:3

Mitakuye oyasʹiƞ, Wak̇aƞṫaƞka ṫawowaṡʹake ki tokel uƞkigluhapi ohaƞ ṫaƞiƞ ki he wowapi le el iwowaglaka waċiƞ. Eyaṡ iyeṡ Wak̇aƞṫaƞka ṫawowiċala waƞ ṫaoyate ki wiċakʹu na he yuṫokeċa piċaṡni ki heċa nayeċijiƞpi kta uƞ oċiċiwapi.

1 Thessalonians 4:1

Mitakuyepi, ahakeḣc̄i leṗawaċiƞ, waƞna Iṫaƞċaƞ Jesus niyuhapi ki heuƞ, tokel wauƞspe uƞniċiyapi kʹuƞ he iyeċel nigluhapi kte. He ogna yauƞpi ki he isaƞmya ṡkiƞniċ'iyapi kte.

Philippians 2:12

Mitakuyepi, niohaƞ wauƞ waƞ hehaƞ ohiƞniyaƞ taku oċiċiyakapi ki hena ahoyaṗapi. Eyaṡ waƞna niṫehaƞ wauƞ eṡa lena woyaksape ki tok̇a lawapi kte. Ċa wowiċala luhapi ki he taƞyaƞ ahokiṗaya wowaṡi eċuƞpo.

Philippians 3:18

Oyate eya iċiḣmeya igluhapi na Christ ċaƞiċ'ipaweġa waƞ el ktepi ki he wiċalapi ṡni, hena eċa ake iṡtamniyapi kiċ'uƞyaƞ iwaktaċiyapi

2 Peter 3:11

Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte.

James 3:18

Oċi waṡtewiċayap̄i ki he t̄ak̄u waṡte ċa ojup̄i iyeċec̄a. T̄ak̄u ki lena igluot̄a waƞlak̄ap̄i ktelo.

Philemon 1:5

Iṫaƞċaƞ Jesus wiċayala ki he e na tokel Wak̇aƞṫaƞka ṫaoyate ki uƞṡiwiċayalake ki he onaċiḣ'uƞ.

Titus 2:10

naiƞṡ awiċawamanupi kte ṡni. Taku iyuha owoṫaƞla igluhapi na waċiƞwiċayapi okihipi kta. Heċetu kihaƞ tuwe ki iyuha Wak̇aƞṫaƞka Niuƞyaƞpi eċiyataƞhaƞ wouƞspe ki le yuonihaƞpi kte.

2 Timothy 4:7

Kiiyaƞkapi akiċiyapi ki he iyeċel, el ohaƞ taƞyaƞ waimnake. Oihaƞke ki ekta taƞyan migluṡtaƞ, na wowiċala miṫawa ki he wagluha.

1 Timothy 1:19

Wowiċala luha ki he ena nakuƞ naġiksabya yauƞ kte. Oyate eya huƞḣ wowiċala ṫawapi ki iglaijenapi, naġiksapapi ṡni ki heuƞ.

1 Timothy 1:11

Heuƞ Wak̇aƞṫaƞka ihaƞkeya waṡte na iṫuƞṗe piċa ki he woṫaƞiƞ waṡte ki le makʹu.

1 Thessalonians 3:6

Timothy waƞna heċiyataƞhaƞ gli, na wowiċala waƞ luhapi ki he eċiyataƞhaƞ taku ki iyuha uƞkokiyakapi. Na tokel uƞṡiuƞyalapi, na uƞyeksuyapi ki hena oyake. Na niƞṡʹeya wauƞyalakapi yaċiƞpi ki he uƞkokiyakapi.

Philippians 2:24

Miṡʹeya eċaƞni waċiƞyaƞkapi waċiƞ ki le Iṫaƞċaƞ ki iwaċiƞwaye.

Ephesians 1:15

Wak̇aƞṫaƞka ṫaoyate ki uƞṡiwiċayala na Iṫaċaƞ Jesus wiċayala ki he onaċiḣ'uƞ.

Ephesians 1:13

Christ nakuƞ wowiċake ki niċahipi, Woṫaiƞ Waṡte ki le tokel naġiwiċayukinipiċa ki he e. Christ wiċayala ki he, na Wak̇aƞṫaƞka niyuha ki he Woniya Wak̇aƞ ki ikaḣlogya ablesniċiye.

Philippians 1:5

Woṫaiƞ Waṡte ki he aƞpetu waƞ el ṫokahe nayaḣ'uƞpi ki hetaƞhaƞ na aƞpetu lehaƞyaƞ yuowaƞċaya yaoṫaƞiƞpi ki he oniṗapi ki heuƞ.

Philippians 3:20

Eyaṡ uƞkiye maḣpiya eċiyataƞhaƞ Wanikiya waƞ u kte ki he aṗe uƞkʹuƞpi. Iṫaƞċaƞ uƞkiṫawapi Jesus Christ

Philippians 4:1

Mitakuyepi, teċiḣilapi uƞ waċiƞyaƞkapi waċiƞ. Iṫaƞċaƞ uƞyaƞpi ki ohiƞniyaƞ waċiƞyaƞ uƞpo. Lila iċiyuṡkiƞpelo.