Philippians 1:1 - Lakota Portions

¹ Paul lemiye, na Timothy kiċi wowapi ki le hiyuuƞniċiyapi, Christ Jesus ṫawowaṡi heuƞċapi. Wak̇aƞṫaƞka ṫaoyate eya Philippi el uƞpi ki hena ena tipi wak̇aƞ oiṫaƞċaƞpi ki ena tipi wak̇aƞ el waokiyapi ki hena.

Philippians 1:1 Referans Kwoze

Titus 1:1

Wayaka iyeċel Wakaƞṫaƞka ṫawowaṡi ki, na Jesus Christ ṫawahoṡiye ki, le Paul miye. Wak̇aƞṫaƞka ṫaoyate ṫawowic̄alapi ki waṡʹakapi na taƞyaƞ okaḣniġapi kte na heuƞ owoṫaƞla uƞpi kta ċa wowapi wakaġe.

1 Timothy 3:8

Owaċekiye tipi waokiyapi ki hena yutaƞyaƞkel opiicʹiya uƞpi kte. Owak̇aƞk̇aƞpi kte ṡni, mniṡa yatkaƞ isamicʹiyapi kte ṡni, nakuƞ mazaska iṡic̄awaċiƞpi kte ṡni.

2 Thessalonians 1:1

Le wowapi ki, Paul ena, Silas ena, Timothy etaƞhaƞ. Thessalonica oṫuƞwahe el Ok̇olakiċiye Wak̇aƞ ki, hena Wak̇aƞṫaƞka, ena Iṫaƞċaƞ Jesus Christ, ṫaoyatepi ki epi.

1 Thessalonians 1:1

Le uƞkiyepi, Paul miye ċa Silas ena Timothy ob etaƞhaƞ. Thessalonica oṫuƞwahe el ok̇olakiċiye Wak̇aƞ uƞpi ki hena wowapi ki le uƞniċaġapi. na Ate Wak̇aƞṫaƞka na Iṫaƞċaƞ Jesus Christ ṫaoyatepi ki, Wak̇aƞṫaƞka uƞṡinilapi na okablalya uƞiċiyapi kta uƞ niyawaṡtepi nunwe!

Ephesians 1:1

Paul, Jesus Christ ṫawahoṡiye kta ċa Wak̇aƞṫaƞka glaḣniġe. Ephesus el ṫaoyate eya uƞpi hena ena Jesus Christ faithful ihakab uƞpi ki hena.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

James 1:1

[Le James miye, Wak̇aƞṫaƞka ṫawaoikiye ki, na Iṫaƞċaƞ Jesus Christ. Mak̇a sitomniya oyate akenuƞpa uƞpi ki hena, ċantewaṡteya nape ċiyuzapelo.]

1 Timothy 1:2

Timothy, wowiċala wak̇aƞ uƞyuhapi ki heuƞ, ċiƞkṡiwiċayapi iyeċel ċaƞtoċignake. Wak̇aƞṫaƞka Ateuƞyaƞpi na Jesus Christ iṫaƞċaƞ ki uƞṡinilapi na taƞyaƞ niyuhapi nuƞwe.

Jude 1:1

Le Jude miye lo, Jesus Christ ṫawowaṡi ki waƞji, na James he mihunkake le miye. Wak̇aƞṫaƞka tuwe wiċakaḣniġiƞ na tewiċaḣila kʹuƞ hena Jesus Christ iyoḣlogya taƞyaƞ awaƞwiċayaƞke.

1 Peter 2:25

Taḣc̄a ṡuƞkala eya okablelya iyayapi heniċec̄api eyaṡ, waƞji awaƞniyaƞkapi ki he el hektakiya yaglipi.

Titus 1:7

Ok̇olakiċiye wak̇aƞ oiṫaċaƞpi hena Wak̇aƞṫaƞka ṫawowaṡi heċapi, heuƞ taƞyaƞ igluhapi kte na ċaje igluṡic̄api kte ṡni. Oiṫaċaƞċaƞpi kte ṡni naiƞṡ oċaƞzek̇okelapi kte ṡni. Nakuƞ itomniicʹiyapi kte ṡni naiƞṡ iṡiƞkc̄iƞ waokuwapi kte ṡni naiƞṡ mazaska ec̄ela awaċiƞpi kte ṡni.

2 Thessalonians 1:10

Aƞpetu waƞ el Iṫaƞċaƞ gli kihaƞ etaƞ wiċalapi kʹuƞ hena iyuha yuonihaƞpi kte. Le niṡʹeya oyaṗapi kte, iċiƞ Woṫaƞiƞ Waṡte waƞ uƞkoniċiyakapi ki he wiċayalapi ki heuƞ.

1 Thessalonians 2:2

Hektakiya yeksuyapi ki, Philippi oṫuƞwahe el ṫokahe uƞhipi waƞhehaƞ oyate ota iṡtel uƞyaƞpi ċiƞpi na ṡiċaya uƞkuwapi. Eyaṡ Wak̇aƞṫaƞka, Woṫaƞiƞ Waṡte ki uƞkoniċiyakapi ċiƞ uƞ bliheluƞyapi.

Ephesians 1:15

Wak̇aƞṫaƞka ṫaoyate ki uƞṡiwiċayala na Iṫaċaƞ Jesus wiċayala ki he onaċiḣ'uƞ.

Mark 13:34

Le wiyaċiƞpi ki he, iṫoṡ tuwa omani yiƞ kte, ṫawowaṡi ki ena yaƞkapi kte, na iyohila wawiċaṡi kte, nahaƞ waƞji tiyopa awaƞyaƞke ṡi kte.

Ephesians 6:24

Tuwe Iṫaƞċaƞ Jesus Christ teyaḣilapi ki hena iyuha Wak̇aƞṫaƞka uƞṡinilapi kte.

Philippians 2:5

Na Christ Jesus tokel ṫawaċiƞ ki he iyeċel oholayeḣċiƞ oyale kte,

Philippians 2:19

Niye eċiyataƞhaƞ takuƞl waṡte uƞ onaċiḣ'uƞpi waċin. Heuƞ eċaƞni Timothy hiyuwayiƞ kte ki he Iṫaƞċaƞ Jesus iwaċiƞwaye.

Philippians 3:3

Eyaṡ uƞkiyepi ċa wak̇aƞyaƞ ċeḣpi wawiċaksapi woeċuƞ ki he uƞkʹupi, eċiƞ Woniya Wak̇aƞ ki iyoḣlogya Wak̇aƞṫaƞka ċeuƞkiyapi na Christ Jesus uƞyuonihaƞpi. Na taku eċuƞkʹuƞpi ki hena uƞ uƞkiglataƞtaƞpi kte ṡni,

Philippians 3:8

Christ Jesus Iṫaƞċaƞ ki slolyapi ki he eċela waṡte. Taku wiċawala tk̇a waƞ hena iyuha abluṡtaƞ na hehaƞya takuƞni waye ṡni. Heċel Christ kiċi ṫaoye ogna mawani kte

Philippians 3:12

Woyuṡtaƞ waƞ miċihaƞ ċa awaċami eyaṡ nahaƞḣc̄i iwahuƞni ṡni, . Eyaṡ Christ napimayuze. Ċa iyaƞkapi akiċiyapi el ohaƞ heċena iyotiyekiya wauƞ, taku waƞ ihaƞkeya waṡte ki he ohiwaya waċiƞ ki heuƞ.

Philemon 1:1

Paul, Christ Jesus ṫaƞtaƞhaƞ uƞ kaṡka gƞakapi ki he ena Timothy, he suƞkawiċayapi ki he waƞji, kiċi wowapi ki le wakaġe. Philemon, eċiƞ Woṫaƞiƞ Waṡte ṫaƞtaƞhaƞ wowaṡi eċuƞ ouƞyakiyapi ki heuƞ teuƞniḣilapi,