Mitakuyepi, nuƞġe yuwaƞkal ikikc̄upi na anaġoptaƞpo. Wak̇aƞṫaƞka oyate eya uƞṡikapi ki hena wiċakḣniġe, eċiƞ hena ṫawowiċalapi ki waṡʹake ki heuƞ. [Uƞṡikapi ki ṫawowiċalapi ki waṡʹakapi uƞ Wak̇aƞṫaƞka wiċakaḣniġe.]
Na wowak̇aƞ ki le le ċetu, he Christ Jesus uƞ woṫaiƞ waṡte ki oyate ṫokṫokċapi ki hena wiċakʹupi, heċel taku eya Jew oyatepi ki waṡte ċa iwahowiċayapi kʹuƞ hena iƞṡʹeya oṗawiċakiyapi kte.
Ok̇olakiċiye Wak̇aƞ ki blihelċiyapi waċiƞ uƞ wowapi ki le wakaġe. Miṡʹeya he el oiṫaƞċaƞpi ki he mawaƞji, na Christ tokel kakije kʹuƞ he waƞblake, na he tohaƞl ṫawowaṡʹake ki yutaƞyaƞkel yuaṫaƞiƞpi ki miṡʹeya el oṗamakiyapi kte.
Waċaƞteognaka uƞ ohiƞniya ċiksuyapi. Wowaṡi waƞ Wak̇aƞṫaƞka makʹu ki he iyuha omayakiyapi, okaṡke tipi el kaṡka make eċuƞhaƞ woṫaiƞ waṡte ki he naweċijiƞ.