Mark 9:25 - Lakota Portions

²⁵ Oyate ki lila el au ċa Jesus slolye, ċa waƞċak wak̇aƞ-ṡica ki wokiyake. “Wak̇aƞ-ṡica nuniḣcaƞ hwo?, takuni slolyaye ṡni, ċa hokṡila ki le etaƞ glinaṗa yo. Na icinupani hektakiya ake mahel iyaye ṡni yo,” ekiye.

Mark 9:25 Referans Kwoze

Luke 9:42

Yuƞk̇aƞ au eċuƞhaƞ, wak̇aƞ-ṡic̄a ki hokṡila le mak̇ata iḣpeyiƞ na natiptipkiye. Jesus wak̇aƞ-ṡic̄a ki le kaḣeyab iyeyiƞ na hokṡila ki asniyiƞ na atkuku ki kiċu.

Mark 9:15

Oyate ki Jesus waƞyaƞg'iheyapi na lila inihaƞpi. Etkiya iƞyaƞkapi na nape yuzapi. Ho na Jesus ihakab-unpi ki

Jude 1:9

Maḣpiya el ogligle wak̇aƞ oiṫaƞċaƞ waƞ Michael eċiyapi ki he ena wak̇aƞṡiċa ki Moses ṫaċaƞ ki akiniċapi waƞ hehaƞ Michael wakaƞṡiċa ki oṡtegla ċiƞ ṡni. Taku waƞ eċela hekiye ki he, "Wak̇aƞṫaƞka niċaṡtakiƞ kte lo!" Eye.

Luke 11:14

Jesus wiċaṡa waƞ etaƞhaƞ wak̇aƞ-ṡic̄a ki kaṫaƞkal iyayeye. Wak̇aƞ-ṡic̄a ki hinaṗe hehaƞ wiċaṡa ki iya okihi ṡni waƞ he woglaka okihi, heċel oyate ki inihaƞpi.

Luke 8:29

Le heye ṡnihaƞni iṫokabya Jesus wak̇aƞ-ṡic̄a ki kiṡic̄e ċa heuƞ heye. Wak̇aƞ-ṡic̄a ki ṫehaƞ kaṡkayuze. Wiċaṡa eya maza uƞ kaṡka egnakapi ki iglupsake. Wak̇aƞ-ṡic̄a ki lena wiċaṡa le mak̇oṡic̄a ekta naṗekiyapi.

Luke 4:41

Oyate ota wak̇aƞ-ṡic̄a ki kaṡkawiċayuze waƞ hena nakuƞ asniwiċaye. “Wak̇aƞṫaƞka-Ċiƞhiƞtku niye yelo!” eya wak̇aƞ-ṡic̄a ki hoṫaƞgya wiċaṡa etaƞhaƞ ahinaṗe. Messiah e ki slolyapi ċa yainila-iḣpewiċaye.

Luke 4:35

Jesus wak̇aƞ-ṡic̄a ki lekiyiƞ na yainila, “Inila yaƞkiƞ na wiċaṡa ki le ayuṡtaƞ yo!” ekiye. Yuƞk̇aƞ wak̇aƞ-ṡic̄a ki wiċaṡa ki le makikc̄eya iḣpeyiƞ na uƞṫuƞye ṡni wiċaṡa ki le etaƞhaƞ kinaṗe.

Mark 9:24

Atkuku ki waƞċagna ċeya iyaye na heye, “Haƞ! Wowicala bluha yelo. Eyaṡ iyenakeca ṡni. Omayakiye ki wowicala miċiwaṡʹakiƞ ktelo,” ekiye.

Mark 9:26

Ċa wak̇aƞ-ṡica ki ċeya iyaye, na ehake hokṡila ki lila ċaƞċaƞye na hehaƞl etaƞ glinaṗe. Hokṡila ki ṡkaƞṡkaƞ ṡni ḣpaya ċa tokinaṡ tʹa keċiƞpi, na oyate ki “tʹelo,” eyapi.