Mark 9:24 - Lakota Portions

²⁴ Atkuku ki waƞċagna ċeya iyaye na heye, “Haƞ! Wowicala bluha yelo. Eyaṡ iyenakeca ṡni. Omayakiye ki wowicala miċiwaṡʹakiƞ ktelo,” ekiye.

Mark 9:24 Referans Kwoze

Luke 17:5

Yuƞk̇aƞ wahoṡiyapi ki Jesus hekiyapi, “Wowic̄ala ki uƞkic̄iyuwaṡʹaka yo!” eyapi.

Ephesians 2:8

Wak̇aƞṫaƞka ṫawowaṡte ki ogna wiċoni luhapi. Wicayala heuƞ heċetu. Niṡnala wiċoni iyac̄u oyakihipi ṡni. Wak̇aƞṫaƞka eċa niuƞyaƞpi. Ċa takuni uƞ niglataƞ oyakihipi ṡni yelo.

2 Thessalonians 1:11

Wak̇aƞṫaƞka niċaḣniġe ki heuƞ hoye uƞkiyapi ċaƞ uƞniksuyapi, heċel ṫaoyate ki tokel igluhapi kte kʹuƞ he iyeċel taƞyaƞ nigluhapi kte. Wak̇aƞṫaƞka ṫawowaṡʹake ki uƞ taku waṡteṡte eya eċanu yaċiƞ kʹuƞ hena niṫawowiċala ki uƞ iyoḣlogya yagluṡtaƞ kte.

2 Thessalonians 1:3

Mitakuyepi, uƞniksuyapi ċaƞ Wak̇aƞṫaƞka wopila uƞkekiyapi, eċiƞ Wak̇aƞṫaƞka wiċayalapi uƞ saƞmṗaya waṡʹagniċ'iyapi na uƞṡiyeċilapi.

Philippians 1:29

Christ ṫa wowiċala ki luha uƞ woteḣi waƞlake. Tk̇a he uƞ niyawaṡte.

2 Timothy 1:4

Yaċeye ċa naċiḣ'uƞ na ċiksuye, na waƞċiƞyaƞka waċiƞ, heċel iyomakipi kte.

Luke 7:44

Hehaƞl wiƞyaƞ ki he etkiya igluhomni na Simon hekiye, “Wiƞyaƞ ki le waƞlaka hwo? Yati el wahi eyaṡ mni uƞ si waglujaja kta mayakʹu ṡni yelo. Eyaṡ iṡtamniyaƞpi ṫawa uƞ si mic̄iyujaja na ṗehiƞ ṫawa ki uƞ mic̄ipakiƞte.

Luke 7:38

Jesus yaƞke ki el ilazataƞhaƞ ċeya najiƞ. Ċeyiƞ na iṡtamniyaƞpi ki uƞ Jesus si kic̄iyujaja na ṗehiƞ ṫawa ki uƞ kic̄ipakiƞte. Wiƞyaƞ ki le Jesus si ki ipuṫake na mniwaṡtemna uƞ si akic̄aṡtaƞ.

Mark 9:23

“Ohaƞ!” Jesus ekiye. “Tuwa wowicala yuha ehaƞtaƞṡ ecela taku okihi kte,” ekiye.

Mark 9:25

Oyate ki lila el au ċa Jesus slolye, ċa waƞċak wak̇aƞ-ṡica ki wokiyake. “Wak̇aƞ-ṡica nuniḣcaƞ hwo?, takuni slolyaye ṡni, ċa hokṡila ki le etaƞ glinaṗa yo. Na icinupani hektakiya ake mahel iyaye ṡni yo,” ekiye.