Jesus wiċaṡa waƞ etaƞhaƞ wak̇aƞ-ṡic̄a ki kaṫaƞkal iyayeye. Wak̇aƞ-ṡic̄a ki hinaṗe hehaƞ wiċaṡa ki iya okihi ṡni waƞ he woglaka okihi, heċel oyate ki inihaƞpi.
Oyate ki lila el au ċa Jesus slolye, ċa waƞċak wak̇aƞ-ṡica ki wokiyake. “Wak̇aƞ-ṡica nuniḣcaƞ hwo?, takuni slolyaye ṡni, ċa hokṡila ki le etaƞ glinaṗa yo. Na icinupani hektakiya ake mahel iyaye ṡni yo,” ekiye.
Wiƞyaƞ ki Gentile oyate hec̄a na mak̇oc̄e waƞ Syria eċiyapi ċa el oṫuƞwahe waƞ Phoenicia eyapi ċa el ṫuƞpi. Jesus el i na wak̇aƞ sic̄a ki wicincala ki ṫaƞmahel uƞ ki kaḣeyab iyeya ċiƞ.
“Tohaƞl le wak̇aƞ-ṡica ki le hokṡila ki ahiṫakpa ċaƞna k̇ul iḣpeye, ċaƞna ṫaġe ki hiyu welo. Na hi ki aglatʹiƞza ċaƞna ataya ṫaċaƞ ki nawotʹiƞye yelo. Na le nihakab-uƞpi ki lena owiċawakiyakelo, eyaṡ takuni okihipi ṡni yelo.”