Mark 8:34 - Lakota Portions

³⁴ Hehaƞl oyate ki ena ihakab-uƞpi ki wiċakiċo, “Tuweḣc̄i mihakab yau kta haƞtaƞṡ, taƞyela nicʹicʹupi kte, na ċaƞiċipaweġe yecʹiƞpi kte, na mihakab yaupi kte.

Mark 8:34 Referans Kwoze

Philippians 3:10

Christ ṫawowiċala ki he eċela slolwaya waċiƞ na Wak̇aƞṫaƞkawowaṡʹake waƞ uƞ wiċuƞtʹe etanhaƞ yukinipi ki he nakuƞ slowaya waċiƞ. Tokeṡke kakijiƞ na tʹe ki he iyeċel miṡʹeya matʹiƞ kte,

Luke 9:23

Yuƞk̇aƞ owasʹiƞya hewiċakiye, “Tuwa mihakab u kta haƞtaƞṡ wokakije eċetkiya icʹicʹu kte.

Philippians 3:7

Eyaṡ Christ waablesmakiye, taku waƞ ṫokahewakiye ki he yatakuni ṡni.

1 Peter 4:1

Christ mak̇a akaƞl kakiṡyauƞ. Heuƞ niṡʹeya iyeċel nikakijiƞ kta wayakta kte, iċiƞ taku heċetu ṡni etaƞhaƞ nigluḣlaye na heuƞ teḣi waƞ lake ki he aṫaƞiƞ kte.

Luke 14:33

He iyeċel tuwa woyuha hena iyuha agluṡtaƞ ċiƞ ṡni haƞtaƞṡ, mihakab uƞ okihi kte ṡni yelo.

2 Peter 1:14

Na aƞpetu miṫawa ki he waƞna k̇aƞyela he ċa, Iṫaƞċaƞ Jesus Christ, iwahomaye.

1 Peter 4:13

Christ ṫaƞtaƞhaƞ uƞ leċel teḣi waƞlakiƞ kte, eyaṡ ṗe yuwaƞkal ikikc̄upi na bliheliċ'iyapo. Leuƞ saƞmṗaya wowiyuṡkiƞ waƞ ihaƞkeya ṫaƞka ċa waƞlakiƞ kte, tohaƞl Christ ake gli kihaƞ.

Titus 2:12

Mak̇a wiċoni el uƞkʹuƞpi eċuƞhaƞ, taku ikc̄eya uƞ uƞnipi kte ki hetaƞ uƞkigluḣlayapi kte, na e wiċoni waṡte na owoṫaƞla ki hena ogna uƞkʹuƞpi kte.

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Luke 13:24

“Tiyopa oc̄ikʹala ki he ogna iyaye waċiƞpo! Wiċota he ogna iyayapi ċiƞpi eyaṡ okihipi kte ṡni yelo.

2 Thessalonians 3:11

Yuƞk̇aƞ huƞḣ oḣʹaƞhaƞhaƞ yauƞp̄i na wowaṡi eċuƞyak̄ap̄ip̄i ṡk̇a nauƞḣʹuƞp̄i. Ec̄ela oyate uƞma ki ik̄aġinicʹiyap̄i ṡke yelo.

Luke 20:45

Oyate naḣʹuƞ najiƞpi ki eċuƞhaƞ ihakab-uƞpi ki hewiċakiye,

Mark 10:21

Jesus owoṫaƞla uƞṡilaka ognayaƞ ayuta na hekiye, “Taku waƞjila yaċiƞ yelo. Iyayiƞ na taku luha ki hena wiyoṗeyiƞ na uƞṡika ki hena mazaska ki wiċakʹu wo, kihaƞ maḣpiyata woohiye nicʹiċaġiƞ ktelo. Na hehaƞl mihakab yau ktelo.”

Mark 7:14

Hehaƞl Jesus oyate ki ik̇aƞyela u wiċaṡi na hewiċakiye, “Anamaġoptaƞpo na omakaḣniḣ waċinpo.