Mark 6:52 - Lakota Portions

⁵² Iċiƞ oyate ki k̇oktopawinġe zaptaƞ wowiċakʹu ki le tokel uƞ heċec̄a ki okaḣniġapi ṡni; ṫawaċiƞpi ki el ablezapi okihipi ṡni.

Mark 6:52 Referans Kwoze

Luke 24:25

Ċa Jesus hewiċakiye, “Ataṡ waayablezapi ṡni yelo. Wak̇aƞṫaƞka wiċaṡa-wak̇aƞ-waayaṫaƞiƞ ṫawa ki taku onic̄iyakapi ki nahaƞḣc̄i ċetʹuƞwiċayaglapelo.

Mark 16:14

Ehake ki he Jesus ihakab-uƞpi ake waƞjipi ċa wiċiṫokab ṫaƞiƞicʹiye na iyoṗewiċaye iċiƞ wowiċala yuhapi ṡni na iċiƞ nakuƞ lila nuġe waniċapi ki heuƞ tuwa Jesus waƞyaƞke eyaṡ hena wiċak̇ewiċalapi ṡni

Mark 7:18

“Wauƞspepi ṡni ki iyehaƞ wauƞispepi ṡni yelo,” Jesus ewiċakiye. “Oyakaḣniġapi hwo? Taku yatapi ki hena uƞ ṫaƞmahel niṡapapi kte ṡni yelo.

Mark 3:5

Jesus oyate ki awiċayuta na awiċaċaƞzeke eyaṡ wanaḣʹuƞpi ṡni ki heuƞ waslolyapi ṡni ċa akeṡ uƞṡiwiċala. Jesus ki lekiye, “Wiċaṡa, Nape ki makipazo yo.” Ċa iyeċel eċuƞ yuƞk̇aƞ nape ki taƞyaƞ akisni.