Mark 6:14 - Lakota Portions

¹⁴ Wana Herod wiċaṡa yataƞpi ki lena iyuha naḣʹuƞ, iċiƞ Jesus waecun ki tuktetu kʹeyaṡ oṫaƞiƞ. Oyate huƞġe heyapi, “John mniawiċakanstan ki ake kini! Heċauƞ lena woiṫuƞṗe eċuƞ okihi.”

Mark 6:14 Referans Kwoze

1 Thessalonians 1:8

Na heuƞ Woṫaƞiƞ Waṡte ki mak̇okaṡpe yaƞke hena el ata kablaya iyaye. Wak̇aƞṫaƞka wiċayalapi ki he tuktetu keyaṡ onaniḣ'uƞpi, ċa takuƞni samṗaya uƞniċiyaoṫaiƞpi kte ṡni.

Luke 13:31

Wahehaƞlya Pharisees eya Jesus el hipi na hekiyapi, “Letaƞhaƞ ḣeyab iyaya yo, Herod nikte ċiƞ yelo.”

Luke 3:1

Mak̇asitomniya-Yataƞpi ki Tiberius ec̄iyapi ċa waniyetu ak̄e ṡakpe ikiyela oiṫaċaƞyapi. Iyoḣlate Pontius Pilate he Judea mak̇oċe el oiṫaċaƞ heċa. Na Herod Antipas iƞṡ Galilee mak̇oċe el oiṫaċaƞ heċa. He suƞkaya waƞ Philip ec̄iyapi ċa iƞṡ-eya mak̇opaṡpe eya Iturea na Trachonitis henauƞs oiṫaċaƞ. Lysanias he iyeċeḣc̄i Abilene mak̇opaṡpe el oiṫaċaƞ.

Mark 8:28

“Huƞḣ John Wamniakaṡtaƞ he niye keyapelo,” ekiyapi. “Na huƞḣ iƞṡ Elijah niye keyapi, na uƞma ki iƞṡ waayaṫaƞiƞ-wiċaṡa heniċa keyapelo.”

Mark 1:45

Eyaṡ wiċaṡa ki le ataya yaoṫaƞiƞ omani. Ċa Jesus paokiyuṫapi sʹa heuƞ oṫuƞwahe hel ṫaƞiƞicʹiya okihi ṡni na ehaṡ manilopiicʹiye. Okṡaƞtaƞhaƞ oyate ki el ahi yelo.

Mark 1:28

Ho ċa, le Jesus waeċuƞ ki le tuwekeeyaṡ naḣʹuƞpi Galilee mak̇oċe ki okṡaƞ.

Luke 9:19

Yuƞk̇aƞ leċel ayuptapi, “Huƞḣ John Mniawiċakaṡtaƞ waƞ he eċa ake gli keyapi na huƞḣ iƞṡ Elijah niye keyapi na huƞḣ iƞṡ wiċaṡa-wak̇aƞ-waayaṫaƞiƞ tʹapi waƞ he waƞji ċa ake kini keyapi.”

Luke 7:17

Jesus waeċuƞ ki le Judea mak̇oċe na ohomniya mak̇oċe yaƞke ki oṫaƞiƞyaƞ uƞ.