Mark 4:19 - Lakota Portions

¹⁹ tk̇a le wiċoni ṡic̄e, wijic̄a waṡtelakapi, na taku iyuha ċiƞpi sʹa, uƞ ok̇aƞpi ṡni na wooyake kʹuƞ he akaḣpeya ahiyupi, na etaƞhaƞ uƞ takuni suṫuƞ ṡni.

Mark 4:19 Referans Kwoze

1 Timothy 6:17

Mak̇a wowijiċa ki oyate eya el uƞpi ki hena iwaktawiċayayo, mak̇a akaƞl wijiliċ'iyapi na itaƞpi ki hena taku iyuha tok̇aṡniyaƞ gnuƞnipi okihipi. Wak̇aƞṫaƞka wiċalawiċaṡiyo, wowijiċe ki hena ṫawa na taku uƞkikaġipi ki hena uƞkʹupi kte heċel wiċoni le el iyuṡkiƞya uƞkʹuƞpi kte.

Philippians 4:6

T̄ak̄uni iċaƞt̄e-ṡic̄ap̄i ṡni eyaṡ Wak̇aƞṫaƞk̄a t̄ak̄u uƞ niyauƞp̄i kte ki hena ċaƞt̄e-waṡteya ċek̄iyap̄o.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.

Luke 10:41

Jesus leċel ayupte, “Martha, taku ota inaġinicʹiyiƞ na iyaglenicʹiye.

2 Peter 1:8

Leċel wiċoni niṫawa ki uƞ nigluha ki, Iṫaƞċaƞ Jesus Christ ṫaoye ki he tokel k̇e kʹuƞ he, taƞyan aṫaƞiƞ kte.

2 Timothy 4:10

Demas eċa mak̇a el wowiyutaƞye ki hena waṡtelakiƞ na hena amayuṡtaƞ na Thessalonica oṫuƞwahe takiya iyayelo. Crescens eċa Galatiatakiya iyaye, na Titus iƞṡ Dalmatia takiya iyaye.

Jude 1:12

Lena oyate ki ṫawaċiƞṡiċapi, na taku eya iṡteċe ṡniya waeċuƞpi na iṡnaiċ'ila awaiċ'iċiƞpi uƞ wiċawote ki he yuṡiċapi. Hena maḣpiya agli eyaṡ maġaju ṡni ki he iyeċeċapi, takuƞni iwaṡtepi ṡni. Ċaƞ eya kajuƞpi na waḣpeċola tʹapi ki he iyeċeċapi, na he waskuyeċa iċaġa okihi ṡni.

Mark 4:18

Oyate uƞma hena su kʹeya waptaye ohaƞ iḣpeyapi kʹuƞ hena iyeċec̄api sʹeleċec̄a. Lena wooyake naḣʹuƞpi hena epi,

Ephesians 2:2

Hehaƞ Wak̇aƞṫaƞka oiye iyaċupi ṡni na wak̇aƞ ṡiċa ki ohoyaṗapi. Wak̇aƞ Ṡiċa ki okaḣuwogya omani ki oyate lena ilagwiċaye. He eċa oiye iyacupi tk̇a. Lehuƞniyaƞ Wak̇aƞṫaƞka oiye naḣʹuƞ ċiƞpi ṡni waƞ hena ilagwiċaye.

Ephesians 6:12

Wiċaṡa ċa ob uƞkiċizapi ṡni, taku eya ihaƞkeya waṡʹake ki maḣpiya na mak̇a akaƞl wak̇aƞ ṡiċa ṫawokiċuƞze na ṫawowaṡʹake ki hena eċa wiċauƞkizapi.