3 Jesus leye, “Wiċaṡa, leċi wiċiṫokab inajiƞ yo.”
Christ mak̇a akaƞl kakiṡyauƞ. Heuƞ niṡʹeya iyeċel nikakijiƞ kta wayakta kte, iċiƞ taku heċetu ṡni etaƞhaƞ nigluḣlaye na heuƞ teḣi waƞ lake ki he aṫaƞiƞ kte.
Heuƞ Iṫaƞċaƞ ihakab uƞpi ki bliheliċ'iyapi na iṡteċe ṡniyaƞ Woṫaiƞ Waṡte ki oyakapi.
Jesus, wiċaṡa ki lena tokel wiyukc̄aƞpi ki awiċableze ċa wiċaṡa ki le wiċiṫokab inajiƞ ṡi heċel tuwe ki iyuha waƞyaƞkab okihipi kte.
Oyate ki hel awaƞyaƞg kuwapi, wiċaṡa waƞ apiye kte waktapi.
Na oyate ki iwiċayunġe, “Tokel aƞpetu sakowin Moses wooṗe el ċa taku waṡte naiƞṡ ṡic̄a ċa eċuƞkʹuƞpi unkokihipi kta hwo? Nakuƞ tuwa wiċoni ṫawa ki niwiċauƞyaƞpi naiƞṡ wiċauƞktepi kta hwo?” eye. Yuƞk̇aƞ oyate ki takuni eyapi ṡni.
