12 Ċa wawaƞyaƞg yaƞkapi eċuƞhaƞl wiċaṡa ki inajiƞ na oyuƞke ki ikikc̄u na oḣʹaƞk̇oya kiglekiye. Ċa, iyuha lila inihaƞpi na Wak̇aƞṫaƞka yataƞpi. Na heyapi, “Tohaƞni leċel takuni wauƞyaƞkapi ṡni yelo,” eyapi.
Tuwe ki iyuha iyuṡʹiƞyayapi na Wak̇aƞṫaƞka yataƞpi na heyapi, “Wiċaṡa-wak̇aƞ-waayaṫaƞiƞ eya oteḣikapi kʹuƞ waƞji uƞkʹuƞpi oṗaya uƞ welo! Wak̇aƞṫaƞka ṫaoyate el wiċahi yelo,” eyapi.
Woyazaƞ etaƞhaƞ waƞji asniyapi he aicʹibleziƞ na hektakiya iyuṡkiƞya gli.
Hehaƞl wayazaƞke el apuṫake, yuƞk̇aƞ waƞc̄agna owoṫaƞla inajiƞ na Wak̇aƞṫaƞka yaonihaƞ.
Tuwe ki iyuha inihaƞpi heuƞ ċaƞċaƞpi na Wak̇aƞṫaƞka yataƞpi. “Aƞpetu ki le taku eċuƞ pic̄a ṡni eya waƞuƞyaƞkapelo,” eyapi.
Oyate ki lila inihaƞpi, na lila iwoglakapi, na heyapi, “Le taku hwo? Le wouƞspe ṫokc̄a ki heċa hwo? Wiċaṡa ki le wowaṡʹake yuha ċa wak̇aƞ ṡic̄a ki taku eċuƞṡi yuƞk̇aƞ eċel eċuƞ.”
“Anamaġoptaƞ yo, inajiƞ na oyuƞke ki ikikc̄u na gla yo,” ekiye.