12 Wicaṡa ki suƞkaku ki enaḣc̄i ktewiċakiyapi kte na atewiċayapi ki iƞṡʹeya wak̇aƞyeja ṫawapi ki ktewiċakiyapi kte. Wak̇aƞyeja ki nakuƞ huƞku na atkuku ki ktewiċakiyapi ktelo.
Nitiwahe ki e kʹeyaṡ huƞḣ igluhomnipi na niyaṡic̄api kte. Aniḣniyaƞpi ki hena oniyuspapi na huƞḣ niktepi ktelo.
Nakuƞ oniyuspapi naiƞṡ niyasupi kte eyaṡ itok̇apiṡni yo, tokṡa taku ehiƞkte ki he Woniya-wak̇aƞ etaƞhaƞ u kte.
Miye ṫaƞtaƞhaƞ uƞ tuweki iyuha waḣtenilapi kte ṡni. Eyaṡ wiċamayalapi ki oihaƞke waƞilya ni yauƞpi ktelo.