Mark 1:39 - Lakota Portions

³⁹ Ho ċa, Galilee mak̇oċe ki okṡaƞ omnic̄iye tipi ki hena iyaza waƞ wahokuƞkiya omani, na wak̇aƞ ṡic̄a ki kaṫaƞkaliyewiċaye.

Mark 1:39 Referans Kwoze

Mark 1:21

Capernaum oṫuƞwahe ki hel Jesus e na wauƞspewiċakiye ṫawa ki ob i, na aƞpetu wak̇aƞ ċa omnic̄iye tipi ki hel tima wauƞspewiċakiye.

Luke 4:41

Oyate ota wak̇aƞ-ṡic̄a ki kaṡkawiċayuze waƞ hena nakuƞ asniwiċaye. “Wak̇aƞṫaƞka-Ċiƞhiƞtku niye yelo!” eya wak̇aƞ-ṡic̄a ki hoṫaƞgya wiċaṡa etaƞhaƞ ahinaṗe. Messiah e ki slolyapi ċa yainila-iḣpewiċaye.

Mark 7:30

Kihuƞni yuƞk̇an ċuƞwiƞtku ki oyunke el ḣpaye na wak̇an ṡic̄a ki iḣeyab iyaye ċa waƞyaƞke.

Mark 1:23

Walehaƞl, omnic̄iye tipi ki hel tima wiċaṡa waƞ ṫaƞmahel wak̇aƞ ṡic̄a waƞ uƞ, ċa lila ṡic̄ahoyaya iyaye,

Mark 1:38

Eyaṡ Jesus awiċayupte, “Oyaƞke iyaza uƞyaƞpi ktelo. Wahokuƞwiċakiyapi kta heuƞ wahi yelo,” ewiċakiye.

Mark 3:1

Ċa Jesus omnic̄iye-tipi ekta e yuƞk̇aƞ hel wiċaṡa waƞ napeṫaṫa ċa el uƞ.

Mark 6:6

Jesus lila iwiċaṫuƞṗe, iċiƞ huƞḣ wowic̄ala yuhapi ṡni. Hehaƞl Jesus okṡaƞ wiċoti ki hena iyaza wahokuƞwicakiya omani.