Mark 1:27 - Lakota Portions

²⁷ Oyate ki lila inihaƞpi, na lila iwoglakapi, na heyapi, “Le taku hwo? Le wouƞspe ṫokc̄a ki heċa hwo? Wiċaṡa ki le wowaṡʹake yuha ċa wak̇aƞ ṡic̄a ki taku eċuƞṡi yuƞk̇aƞ eċel eċuƞ.”

Mark 1:27 Referans Kwoze

Luke 9:1

Yuƞk̇aƞ ak̄e nupapi ki hena Jesus wiċakiċo, na woyazaƞ asniwiċayapi na wak̇aƞ-ṡic̄a kaḣeyab iyeyapi ki hena wowaṡʹake na wookihi k̇o wiċakʹu.

Mark 7:37

Na tona le naḣʹuƞpi ki hena lila inihaƞpi na heyapi, “Taku taƞyaƞ eċuƞ welo,” eyapi. “Nakuƞ nuḣc̄aƞ ki asniwiċaye, na iyeṡni ki k̇o asniwiċayelo,” eyapi.

Luke 4:36

Oyate ki owasʹiƞ inihaƞpi na hekiċiyapi, “Le taku wowak̇aƞ ċa uƞ hwo? Waṡʹagya waeye ki le wak̇aƞ-ṡic̄a ki okaḣniġapi na wiċaṡa etaƞhaƞ naṗapelo!” eyapi.

Mark 10:32

Jerusalem takiya wana Jesus ihakab-uƞpi ki ob ye. Jesus wiċiṫokab ye; lena nihiƞċiyapi, uƞma ki lila ik̇okṗapi. Yuƞk̇aƞ ake Jesus wiċayuwitaya na wowiċakiyake, tokel ṡicaya eċakiċuƞpi kte ki he owiċakiyake.

Mark 10:24

Ihakab-unpi ki lila inihaƞpi. Le Jesus waeye ki uƞ, eyaṡ Jesus heċena ake leye, “Wak̇aƞyeja miṫawa, maḣpiya wokiċuƞze ekta yapi kte ki he oteḣike yelo.

Mark 1:26

Ċa wak̇aƞ ṡic̄a ki ehake wiċaṡa ki ic̄atʹa yuċaƞċaƞ, na hehaƞl glinaṗe.

Mark 1:28

Ho ċa, le Jesus waeċuƞ ki le tuwekeeyaṡ naḣʹuƞpi Galilee mak̇oċe ki okṡaƞ.

Mark 16:5

Tima iyayapi yuƞk̇aƞ najiƞpi hetaƞhaƞ iṡlayataƞhaƞ k̇oṡkalaka waƞ ogle ska uƞ ċa waƞyaƞkapi. Lila inihaƞpi.

Mark 16:6

“Iyuṡʹinyaƞpi ṡni yo!” Wiċaṡa ki he hewiċakiye, “Jesus oyalepi ċa slolwayelo eyaṡ kini na iyayelo. Yunajiƞkiyapi ċa el uƞ ṡni yelo. Waƞyaƞkapo, lel ḣpaya tk̇a yelo!