Mark 1:23 - Lakota Portions

²³ Walehaƞl, omnic̄iye tipi ki hel tima wiċaṡa waƞ ṫaƞmahel wak̇aƞ ṡic̄a waƞ uƞ, ċa lila ṡic̄ahoyaya iyaye,

Mark 1:23 Referans Kwoze

Mark 9:25

Oyate ki lila el au ċa Jesus slolye, ċa waƞċak wak̇aƞ-ṡica ki wokiyake. “Wak̇aƞ-ṡica nuniḣcaƞ hwo?, takuni slolyaye ṡni, ċa hokṡila ki le etaƞ glinaṗa yo. Na icinupani hektakiya ake mahel iyaye ṡni yo,” ekiye.

Mark 7:25

Winyan wan ċuƞwiƞtku ki wak̇aƞ ṡic̄a waƞ ṫaƞmahel uƞ ċa Jesus oƞaḣ'uƞ na el hi. Wiƞyaƞ ki waƞcag Jesus iṫokab iḣpeicʹiye.

Mark 5:2

Jesus wata etaƞ glic̄u haƞ el owiċaḣe etaƞ wiċaṡa waƞ wak̇an ṡic̄a yuha ċa hinaṗe ċa he el hi.

Mark 1:34

Ho, hel Jesus tona kujapi ki hena asniwiċaye, huƞḣ ṫaƞmahel wak̇aƞ ṡic̄a uƞpi ċa hena k̇o asniwiċaye. Jesus le tuwe ki slolyapi ċa wak̇aƞ ṡic̄a ki lena taku eyapi kte ki Jesus iyowiƞwiċakiye ṡni.

Mark 1:22

Oyate ki Jesus woglaka ċa naḣʹuƞpi na waeye ki lena uƞ lila inihaƞpi. Wauƞspewiċakiye eya uƞmapi ki hena Jesus iyeċeċapi ṡni, tk̇a Jesus lila waslolya ogna woglake.

Mark 1:24

na Jesus hekiye, “Takuwe paġeuƞyayapi hwo? Lel yau na ihaƞguƞyayapi kta yaċiƞ hwo? Nituwe ki slolwayelo, Wak̇aƞṫaƞka ṫawaayaṫaƞiƞ wak̇aƞ kʹuƞ he le niye yelo.”

Mark 1:29

Jesus iye ċa, James e na John kiċi ob, ċa omnic̄iye tipi etaƞhaƞ Simon e na Andrew tipi etkiya iyayapi.

Mark 1:39

Ho ċa, Galilee mak̇oċe ki okṡaƞ omnic̄iye tipi ki hena iyaza waƞ wahokuƞkiya omani, na wak̇aƞ ṡic̄a ki kaṫaƞkaliyewiċaye.