Luke 9:5 - Lakota Portions

⁵ Na tuwe niyuonihaƞpi ṡni kihaƞ, oyaƞke hetaƞhaƞ inayaṗapi kihaƞ, mak̇ablu ki nisi etaƞhaƞ yaglatatapi kte, na hayektapi kte ṡni. He iyawiċalaksapapi eyaṡ naniḣʹuƞpi ṡni heuƞ.”

Luke 9:5 Referans Kwoze

Mark 6:11

Na oṫuƞwahe waƞji el yaipi eyaṡ el enituƞwaƞpi ṡni ki, haƞpa ki awiċaglatatapo, heċel he wowakta heċa ktelo.”

Luke 10:16

Jesus ake ihakab-uƞpi ki hewiċakiye, “Tuwe ananiġoptaƞpi haƞtaƞṡ miṡ-eya anamaġoptaƞpi he iyeċec̄a, na tuwe wic̄anilapi ṡni hena miṡ-eya wic̄amalapi ṡni hena Wak̇aƞṫaƞka wic̄alapi kte ṡni iyeċec̄a,” eye.

Luke 9:48

Na hewiċakiye, “Tuwe wak̇aƞyeja ki le miċaje uƞ iyuṡkiƞya ic̄u haƞtaƞṡ, miṡ-eya imac̄u iyeċec̄a kte. Na tuwe ċaƞtewaṡteya imac̄u kihaƞ Wak̇aƞṫaƞka nakuƞ ic̄u iyeċec̄a kte. Nahaƞ tuwa ihaƞkeya wauƞṡila na waokiye ki he eċa Wak̇aƞṫaƞka oiṫaċaƞkiyiƞ ktelo,” eye.

Mark 9:37

“Tuwa wak̇aƞyeja waƞji maċaje ki ogna uƞ iċu ehaƞtaƞṡ he iƞṡeya ċaƞte waṡteya imacu welo. Nahaƞ tuwa heċuƞ ki he tuwa hiyumaye ki he iƞṡeya ċaƞte waṡteya iċu welo.”

Luke 5:14

Jesus hekiye, “Otutuya oglake ṡni yo, eyaṡ ṫokaheya waċekiye-wiċaṡa ki ekta yiƞ na waƞyaƞgicʹiya yo, hehaƞl Moses ṫawooṗe ki he aiyeċel uƞṡiicʹiya yo. Na hehaƞl oyate wiċiṫokabya woasni nicʹupi ki le yaglaoṫaƞiƞ ktelo,” eye.

Luke 9:4

Na tipi waƞ el yaipi na niyuonihaƞpi kihaƞ hel uƞwaƞjila uƞpo, oṫuƞwahe hetaƞhaƞ ilalapi ṡni hehaƞya.