Luke 9:44 - Lakota Portions

⁴⁴ “Wiċoiye ki le taƞyaƞ anaġoptaƞpo. Tuwe waƞ, Wiċaṡa-Ċiƞkṡitku miye ki le, ṫoka wiċiṫokab amayiƞ ktelo,” eye.

Luke 9:44 Referans Kwoze

Luke 9:22

Na heye, “Wiċaṡa-Ċiƞkṡitku ki taku ota kakiṡkiyapi kte, wiċaṡa ṫaƞkake ki, na waċekiye-wiċaṡa, na Moses-ṫawooṗe-awaƞyaƞkapi ki hena maktepi kte, kʹeyaṡ aƞpetu ic̄iyamni hel wiċuƞtʹe etaƞhaƞl Wak̇aƞṫaƞka yunajiƞmakiyiƞ ktelo.”

Luke 2:19

Mary taku ki lena pipiya iyukc̄aƞ.

Luke 24:44

Na lewiċakiye, “Niohaƞ wauƞ hehaƞ oċic̄iyakapi. Wowapi-Wak̇aƞ el taku omayakapi hena iyuha iyeċetu kta keṗe.”

Luke 18:31

Jesus ihakab-uƞpi ak̄e nupa ki yuḣeyab iwiċac̄u na hewiċakiye, “Wana Jerusalem etkiya uƞyapi ktelo. Wiċaṡa-wak̇aƞ-waayaṫaƞiƞ ki Wiċaṡa-Ċiƞkṡitku ki toketu kta keyapi ki oṫuƞwahe hel heċetu ktelo.

Luke 2:51

Ċa Jesus ob hektakiya Nazareth ekta kigle, heċiya waanaġoptaƞya uƞ. Huƞku ki taku lena iyuha ċaƞteokignake.

Luke 1:66

Oyate ki le onaḣʹuƞpi hehaƞ hokṡila ki le tokeṡke ṫokatakiya leċeḣc̄i wak̇aƞya yiƞ kte ki ikic̄iyukc̄aƞpi. Wak̇aƞṫaƞka kiċi uƞpi ki he ablezapi.

Mark 9:31

Iċiƞ Jesus ihakab-unpi ki wauƞspewiċakiye ki uƞ: “Ikċe-wiċaṡa ki wiċakʹu kte kihaƞ ktepi kte. Eyaṡ aƞpetu iciyamni ki kini kinajiƞ kte.”

Mark 8:31

Jesus ake ihakab-uƞpi ki wauƞspewiċakiye, “Wiċaṡa Ċiƞhiƞtku ki teḣiya akiṗa kte, na tuweke eyaṡ amayuṡtaƞpi kte, na wakaƞkaƞpi ki e na waċekiye wiċaṡa iṫaċaƞpi ki e na wooṗe ogna ḣċi wauƞspewiċakiyapi ki lena heċuƞpi kte. Ktepi kte, na aƞpetu ic̄iyamni ki ake kini ktelo.”