Luke 9:41 - Lakota Portions

⁴¹ Jesus leye, “Wiċoiċaġe ki le waċetʹuƞyaglapi na ṫawaċiƞ yagnunipi, tohaƞyaƞ niohaƞ wauƞ kta hwo? Na wic̄amayalapi kta hwo?” ewiċakiye. Wiċaṡa ki leċel ayupte, “Niċiƞkṡi lel au wo,” ekiye.

Luke 9:41 Referans Kwoze

Mark 9:19

Jesus hewiċakye, “Wowicala ninicapelo! Le tohaƞyaƞ nikiċipi wauƞ kta hwo? Naiƞṡ tohaƞyaƞ leċanuhaƞpi kta hwo? Hokṡila ki makaupo.”

Luke 8:25

Jesus ihakab-uƞpi ki hewiċakiye, “Wowic̄ala luhapi ṡni hwo?” eye. Eyaṡ iyuṡʹiƞyayapi ċa heyapi, “Le wiċaṡa ki tuwe hwo? Ṫate na mni oṫaja ki e kʹeyaṡ ablakelaye!” eye.

Mark 10:49

Jesus paṫag inajiƞ na kiċo wiċaṡi, “Uṡipo!” Ċa iṡtaġuƞġe ki kiċopi na, “Ċaƞtewaṡte yo!” ekiyapi. “Ikpanajiƞ yo. Niċo welo.”

Mark 10:14

Jesus le ableze ċa iyokipi ṡni, ċa ihakab-uƞpi ki lena hewiċakiye, “Wak̇aƞyeja ki lena el maupi kta ċa kuṡʹeya uƞpi ṡni yo. Iċiƞ maḣpiya wokiċuƞze ki he lena iyowajapi.

Luke 9:40

Ihakab-uƞpi ki hena owiċawakiyake kʹeyaṡ okiyapi okihipi ṡni yelo,” eye.

Luke 9:42

Yuƞk̇aƞ au eċuƞhaƞ, wak̇aƞ-ṡic̄a ki hokṡila le mak̇ata iḣpeyiƞ na natiptipkiye. Jesus wak̇aƞ-ṡic̄a ki le kaḣeyab iyeyiƞ na hokṡila ki asniyiƞ na atkuku ki kiċu.